इरानमा बोइङ ७०७ कार्गो विमान दुर्घटना

३० पौष,तेहरान : पश्चिम तेहरानमा आज इरानी बोइङ ७०७ कार्गो विमान दुर्घटनामा १ जनामात्र यात्रु बाँचेका छन्, बाँकी सबै यात्रुको मृत्यु भएको छ । किर्गिजिस्तानबाट तेहरान आउँदै गरेको जहाज अवतरण गर्ने क्रममा दुर्घटनाग्रस्त भएको बताइएको छ । विमानमा यात्रु र चालकदलका सदस्य गरी १७ जना थिए । तीमध्ये १६ जनाको मृत्यु भएको बताइएको छ । 

अवतरण गर्ने क्रममा रनवेमा घिसारिएपछि तत्कालै विमानमा आगो लागेको थियो । विमान घिसारिँदै बस्तीतर्फ अघि बढिरहेका बेला अगाडि रहेको पर्खालमा ठोक्किएको स्थानीय मिडियाले जनाएका छन् । इरानको सरकारी मिडियाले विकानको अवशेषको फोटो जारी गरेको छ जो बस्ती क्षेत्रमा देखिएको छ । 

विमान फाथ विमानस्थलमा दुर्घटना भएको हो जो इरानको सैन्य पकड भएको ठाउँ हो। यो विमान नजिकैको पयाम विमानस्थलमा अवतरण गर्नुपर्नेमा यहाँ आकस्मिक अवतरण गरिएको हो । विमान अवतरण गर्नको लागि पूर्वनिर्धारित विमानस्थल राजधानी तेहरानबाट ४० कलोमिटर टाढा छ । अधिकारहरुले विमान एक्कासी अर्को विमानस्थलमा अवतरण गर्नुपर्ने कारणबारे खुलाएका छैनन् ।