दोहा, कतार । नेकपा (एमाले) का केन्द्रीय सदस्य तथा प्रतिनिधिसभा सदस्य सुहाङ नेम्बाङसँग कतारमा कार्यरत नेपाली श्रमिकहरूले भेटघाट तथा परिचयात्मक कार्यक्रम गरेका छन्।
प्रवासी नेपाली मञ्चको ७ अगस्टमा हुने कार्यक्रममा सहभागी हुन कतार पुगेका नेम्बाङसँग नेपाली प्रवासी श्रमिक संघ, कतारले ६ अगस्टमा भेटघाट कार्यक्रम आयोजना गरेको हो।
संघका अध्यक्ष समुद्र खड्काको अध्यक्षतामा भएको कार्यक्रममा कतारमा कार्यरत नेपाली श्रमिकका हक, हित र अधिकार, सामाजिक तथा श्रम सुरक्षा, रोजगारीको सुरक्षा र वैदेशिक रोजगारीसँग सम्बन्धित विभिन्न समस्याबारे छलफल भएको थियो।
सो अवसरमा अध्यक्ष खड्काले नेपाली श्रमिकका समस्या, माग तथा अधिकारका विषय समेटिएको ज्ञापनपत्र नेम्बाङलाई हस्तान्तरण गर्नुभएको थियो। सहभागी श्रमिकहरूले वैदेशिक रोजगारीमा रहेका नेपालीको रोजगारी सुरक्षा, सामाजिक सुरक्षा, स्वदेश फर्किएपछिको पुनःएकीकरण तथा श्रमिकमैत्री नीति निर्माणलगायतका विषयमा आफ्ना धारणा राखेका थिए।
ज्ञापनपत्र बुझ्दै नेम्बाङले नेपाली श्रमिकका समस्या र अधिकारका विषयलाई गम्भीरतापूर्वक लिँदै आवश्यक विषय सरकार, संसद् तथा सम्बन्धित संसदीय समितिमा प्रभावकारी रूपमा उठाउने प्रतिबद्धता व्यक्त गर्नुभयो।
उहाँले प्रवासमा रहेर नेपाली श्रमिकको हक, हित र अधिकारका लागि नेपाली प्रवासी श्रमिक संघ, कतारले निर्वाह गर्दै आएको भूमिकाको प्रशंसा गर्दै श्रमिकका पक्षमा निरन्तर आवाज उठाउन आग्रह गर्नुभयो।
कार्यक्रमको सहजीकरण संघका महासचिव लोक थापाले गर्नुभएको थियो। अध्यक्ष समुद्र खड्काको धन्यवाद मन्तव्यसँगै कार्यक्रम सम्पन्न भएको थियो।
काठमाडौं, साउन २२ । उच्च अदालत बार एशोसिएशन पाटनको साउन ३० गते हुने कार्यसमिति तथा
काठमाडौं, साउन २० गते । नेपाली कांग्रेसले सरकारले मानव अधिकार आयोगबाट भदौ २३–२४ का घटनामा
गणेश यादवको मृत्यु एउटा परिवारको शोक मात्र होइन। त्यो नेपालको लोकतन्त्र, समाज र राज्यका लागि
काठमाडौं, साउन २० । अनशनरत नर्स ज्योति रानाभाट र सरकारबीच १९ बुँदे सहमति भएको छ।
मित्रता केवल व्यक्तिगत सम्बन्ध होइन, शान्ति, लोकतन्त्र, सामाजिक सद्भाव र दिगो विकासको आधार पनि हो।
काठमाडौं, १४ साउन। प्रधानमन्त्री तथा मन्त्रिपरिषद्को कार्यालय, सिंहदरबारमा राष्ट्रिय सुरक्षा परिषद्को बैठक बसिरहेको छ। प्रधानमन्त्रीको
