अमेरिकामा नागरिकता कानुन परिवर्तन हुँदै , के सहज होला ?

अमेरिकाका राष्ट्रपति डोनल्ड ट्रम्पले अमेरिकाको जन्मजात अथवा जन्मसिद्ध नागरिकता सम्बन्धी कानुन हटाउनका लागि एक विशेष अध्यादेश ल्याउने बताएका छन् ।  कानुनले अमेरिकामा जन्मिने हरेक नागरिकलाई अमेरिकाको नागरिक मान्दछ । अवैध ढंगले अमेरिका प्रवेश गर्ने शाह्य मुलुकका अमेरिकामा जन्मिने बच्चालाई नागरिकता दिन नहुने ट्रम्पको भनाइ छ । 

के कानुन परिवर्तन गर्न सहज होला ?

अमेरिकामा दुई दिन अघि राष्ट्रपति ट्रम्पले अमेरिकाको बर्थराइट सिटिजनसिप अर्थात जन्मसिद्ध नागरिकता सम्बन्धी कानुन परिवर्तन गर्ने अभिव्यक्ति दिएपछि नयाँ सिराबाट बहस शुरू भएको छ । 

अहिले विद्यमान कानुनतः बुवाआमा अवैध रुपमा बसिरहेका भएपनि अमेरिकामा जन्मिने बच्चालाई अमेरिकी नागरिक मानिन्छ । तर आप्रवासी विरुद्ध कडा रबैया अपनाउँदै आएका राष्ट्रपति ट्रम्पले उक्त नागरिकताको  कानुन परिवर्तन गर्नका लागि एक विशेष अध्यादेश ल्याउने अभिव्यक्ति दिएका छन् । 

राष्ट्रपति ट्रम्पको उदेश्य अवैध ढंगबाट अमेरिका प्रवेश हुने आप्रवासीका बच्चालाई अमेरिकाको नागरिकता नदिने रहेको छ । उनको यो अभिव्यक्तिलाई धेरैले चुनावी फाइदा उठाउनका लागि चालिन लागिएको कदम भनिरहेका छन् । ६ नोभेम्बरमा अमेरिकामा कांग्रेस र सीनेटका लागि निर्वाचन हुन गइरहेको छ । 

अमेरिकी संविधानमा सन् १८६८ मा गरिएको १४ औं संशोधनले अमेरिकाभित्र अमेरिकी कानुनको दायरमा आउने सबैलाइ अमेरिकी नागरिक मानेको छ । तर उक्त कानुनमा गैरकानुनी रुपमा अमेरिका भित्रिएका आप्रवासीका अमेरिकामै जन्मिने बच्चालाई अमेरिकी नागरिक मान्ने कि नमान्ने भन्ने बारेमा स्पष्ट छैन् । 

यद्यपि अधिकांश मानुन व्यवसायीहरु गैरकानुनी आप्रवासीका अमेरिकामा जन्मिने बच्चलाई मौजुदा कानुनले अमेरिकी नागरिक मान्ने दाबी गर्दछन् । अहिले अमेरिकासहित विश्वका ३० भन्दा बढी मुलुकहरुले आफ्नो देशमा जन्मिने हरेक बच्चालाई आफ्नो मुलुकको नागरिकता प्रदान गर्दै आएको छ । बीबीसी