श्रावण २०

एजेन्सी । रुसले हजारौँका सङ्ख्यामा उत्तर कोरियाली कामदारहरु भित्र्याइरहेको खुलासा भएको छ । यसरी रुसले संयुक्त राष्ट्र संघको नियम उल्लंघन गर्दै कामदारहरुलाई नयाँ काम दिइरहेको समाचार एजेन्सी रोयटर्सले जनाएको छ । १० हजार भन्दा बढी उत्तर कोरियालीहरुले सेप्टेम्बरदेखि नै काम सुरु गर्ने निवेदन तयार भइसकेको रुसको आन्तरिक मन्त्रालयले बताएको हो ।

उत्तर कोरियाको आणविक हतियार कार्यक्रममा बाधा पुर्याउन आर्थिक दबाब दिने उद्देश्यले संयुक्त राष्ट्र संघले सबै देशबाट उत्तर कोरियाली कामदारहरुलाई फिर्ता पठाउन आदेश दिएको थियो । तर श्रम मन्त्रालयबाट प्राप्त जर्नलमा भने  यस वर्ष मात्र कम्तीमा पनि ७०० कामदारहरुले श्रम स्वीकृति पाइसकेको फेला परेको छ । 

उता रुसको विदेश मन्त्रालयले अहिले यसबारे कुनै प्रतिक्रिया नदिने बताएको छ । यस विषयमा आक्रामक प्रतिक्रिया दिँदै अमेरिकी प्रशासनका प्रवक्ताले भनेका छन्, ‘रुसले अमेरिकासँगको कूटनीतिक सम्बन्ध जारी राख्न हामीसँग सहकार्य गर्नै पर्ने हुन्छ र यो पहिले नै स्पष्ट पारिएको थियो । तर यसरी हामी विरुद्ध काम गरेर रुसले विश्वका लागि थप खतरा निम्त्यिाइरहेको छ ।