नेपालको आईसीसी विश्व क्रिकेट लिग डिभिजन टुमा नामिबियामाथि रोमाञ्चक जित

खेलमा शरद भेषावकरले नेपालका लागि सर्वाधिक २९ रन जोड्न सफल भएका थिए । भने, अाजकाे खेलबाट अन्तराष्टिय खेलमा डेब्यू गरेका रोहित पौडेलले १७ रन बनाए । दिपेन्द्र ऐरी ६ रन, करन केसी ३ रन र सोमपाल कामी १३ रनमा आउट भए । यसले नेपाली खेलाडीमा अझ दवाव बढेपनि वसन्त रेग्मीले २४ रन बनाउँदा नेपाललार्इ जित तर्फ फर्कन सहज भयाे । वसन्तले ४९ औं ओभरमा छक्का तथा अन्तिम ओभरमा चौका प्रहार गर्दै नेपालको रोमाञ्चक जित सुनिश्चित गरेका थिए । नामिबियाका लागि बर्नार्ड स्कोल्ट्जले सर्वाधिक ४ विकेट लिएका थिए ।

यस अघि टस जितेर पहिले फिल्डिङ रोजेको नेपालले नामिबियालाई ३४.२ ओभरमा १ सय ३८ रनमा अलआउट गरेकाे थियाे । नेपालका लागि सन्दिप लामिछानेले  ८.२ ओभर खेल्दै २ मेडेन साथ १८ रन खर्चिंदै ४ विकेट लिन सफल भए । सोमपाल कामीले ३ विकेट तथा वसन्त रेग्मी, शरद भेषावकर र पारस खड्काले १/१ विकेट लिएर नामिबियालार्इ सस्तैमा समेटेका थिए ।

सोमपाल कामीले पहिलो ओभरमै नेपाललाई विकेट दिलाउन सफल भएका थिए । त्यसपछि आक्रामक ब्याटिङ गरेको नामिबियाको एक स्थितिमा २ विकेटको क्षतिमा ७५ रन थियो । तर नेपाली बलरहरुको कसिलो बलिङले नामिबियाको मिडल अर्डर ध्वस्त गरेको थियो ।

नामिबियाका लागि क्रेग विलियम्सले सर्वाधिक ४१ रन जोडे भने जान फ्राइलिन्क र जेन ग्रिनले समान २२ रन जोड्दा अन्य ब्याट्सम्यानले महत्त्वपूर्ण योग्दान दिन सकेनन् । विलियम्सलाई सन्दिपकाे शिकार भए ।

 भाेली नेपालले अाफ्नाे दाेस्राे खेल ओमनसँग खेल्नेछ ।