मतपेटिका सुरक्षा व्यवस्था; मुसा पनि छिर्न नसक्ने

काठमाडौँ, १२ मंसिर ।  रुकुम (पश्चिम)का सबै मतपेटिका सदरमुकाम ल्याइएको छ । सोमबार साँझ ७३ मतदानस्थलबाट सबैमा मतपेटिका सदरमुकाम ल्याइएको प्रमुख जिल्ला अधिकारी वंशीकुमार आचार्यले जानकारी दिए । ४३ मतदानस्थलका मतपेटिका आइतबारै सदरमुकाम ल्याइएको थियो ।

आठविकासकोट र चौरजहारी नगरपालिका तथा सानीभेरी गाउँपालिकाका ३० वटा मतदानस्थलका मतपेटिका सोमबार साँझ सदरमुकाम ल्याइएको हो ।

प्रतिनिधि तथा प्रदेश सभाको प्रत्यक्ष र समानुपातिक गरी जिल्लाभरका तीन सय ३३ मतपेटिका कडा सुरक्षाका बीच जिल्ला समन्वय समितिमा राखिएको छ ।

मतपेटिका राखिएको कोठामा मुसासमेत छिर्न नसक्ने गरी सुरक्षा व्यवस्था मिलाइएको प्रमुख जिल्ला अधिकारी आचार्यले बताए ।

रुकुम (पूर्व)
रुकुम (पूर्व)का चारवटा मतदानस्थलका मतपेटिका हेलिकोप्टरमार्फत सदरमुकाम रुकुमकोट ल्याइएको छ ।

पुथाउत्तरगंगा गाउँपालिकाको हुकाम, रन्मामैकोट, मैकोट र पेल्मा मतदानस्थलका मतपेटिका हेलिकोप्टरबाट सदरमुकाम ल्याइएको हो ।

प्रमुख जिल्ला अधिकारी भूपेन्द्र सापकोटाले जानकारी दिए । पैदल दुई दिन हिँडेर मतपेटिका ल्याउँदा सुरक्षा चुनौती हुने भएकाले मतपेटिका ओसार्न हेलिकोप्टरको सहायता लिनुपरेको प्रजिअ सापकोटाले बताए ।

गोरखा
उत्तरी गोरखाका १६ वटा मतदान केन्द्रका मतपेटिका हेलिकोप्टरबाट ढुवानी गरिएको छ ।

दलीय प्रतिनिधिसहित दुर्गम मतदान केन्द्रका मतपेटिका सोमबार नेपाली सेनाको हेलिकोप्टरबाट सदरमुकाम ल्याएको गोरखाका निर्वाचन अधिकारी नारायण सापकोटाले जानकारी दिए ।

गोरखा क्षेत्र नम्बर २ को मतपेटिका जिल्ला समन्वय समितिमा सिल गरेर राखिएको छ । दलीय प्रतिनिधिको रोहवरमा मतपेटिका भण्डारण गरेर सुरक्षित पारिएको सापकोटाले बताए ।

लमजुङ
हिमालपारिको जिल्ला मनाङमा सबै मतदान केन्द्रका मतपेटिका हेलिकोप्टरबाट सोमबार सदरमुकाम चामे ल्याइएको छ ।

चार गाउँपालिका रहेको मनाङमा ‘नार फु’ मा रहेका पाँच मतदान केन्द्रलाई अति संवेनदशील सूचीमा राखिएको थियो ।

उक्त केन्द्रको मतपेटिका सोमबार बिहान साढे ११ बजे हेलिकोप्टरमार्फत मुख्य निर्वाचन अधिकृतको कार्यालय चामे ल्याइएको सहायक प्रमुख जिल्ला अधिकारी धीरेन्द्रराज पन्तले बताए ।

मनाङका २३ मतदान केन्द्रको मतपेटिका भने आइतबार राति ११ बजे चामे ल्याइएको थियो ।

ताप्लेजुङ
ताप्लेजुङका उच्च हिमाली गाउँमा रहेका चार मतदान केन्द्रका मतपेटिका सोमबार हेलिकोप्टरमार्फत जिल्ला सदरमुकाम ल्याइएको छ ।

फक्ताङलुङ गाउँपालिका वडा नम्बर ७ को याङ्मा, ओलाङचुङगोला र फक्ताङलुङ गाउँपालिका वडा नम्बर ६ ग्याब्ला र घुन्साका मतपेटिका नेपाली सेनाको हेलिकोप्टरमार्फत जिल्ला सदरमुकाम फुङलिङ ल्याइएको मुख्य निर्वाचन अधिकृत कृपासुर कार्कीले जानकारी दिए ।

ताप्लेजुङको सबैभन्दा उच्च हिमाली क्षेत्रमा रहेको याङ्मा मतदान केन्द्रमा ५७ मतदातामध्ये १६ जनाले मतदान गरेका थिए भने, ग्याब्ला मतदान केन्द्रमा ४९ मतदातामध्ये २५ मत खसेको थियो ।

धादिङ
भौगोलिक रूपमा विकट धादिङको उत्तरी क्षेत्रमा पर्ने रुबिभ्याली र खनियावास गाउँपालिकाका मतपेटिका हेलिकोप्टरमार्फत सोमबार सदरमुकाम ल्याइएको छ ।

सडक नपुगेका उत्तरी क्षेत्रका १७ वटा मतदानकेन्द्रका ५१ वटा मतपेटिका हेलिकोप्टरमार्फत सदरमुकाम ल्याइएको धादिङका प्रमुख जिल्ला अधिकारी श्यामप्रसाद भण्डारीले जानकारी दिए । नागरिकमा खबर छ ।

प्रतिक्रिया दिनुहोस्
सम्बन्धित वर्गका समाचारहरू

सार्वजनिक खरिदका श्रमिकलाई न्यूनतम पारिश्रमिक तोकियो, अदक्ष कामदारको दैनिक १७४० पुग्यो

कार्तिक २३, २०८३, काठमाडौं । सरकारले सार्वजनिक खरिदअन्तर्गत सञ्चालन हुने सम्पूर्ण आयोजना तथा कार्यक्रममा आबद्ध

ट्रेड युनियन अधिकार कमजोर पार्ने सरकारी निर्णय फिर्ता लिन अन्तर्राष्ट्रिय श्रमिक संगठनहरूको माग

कार्तिक १९,काठमाडौं । अन्तर्राष्ट्रिय ट्रेड युनियन महासंघ एसिया–प्रशान्त क्षेत्र (आईटीयूसी–एपी) सहित विभिन्न अन्तर्राष्ट्रिय श्रमिक संगठनहरूले

प्रधानन्यायाधीश र न्यायाधीशबारे छानबिन गर्न माग

काठमाडौँ, १३ कात्तिक। प्रधानन्यायाधीश डा. मनोजकुमार शर्मा र सर्वोच्च अदालतका न्यायाधीश हरिप्रसाद फुयाँलको नाम जोडिएर

बंगालको खाडीको न्यून चापीय प्रणालीको प्रभाव: बिहीबारदेखि वर्षा र हिमपातको सम्भावना, सतर्कता अपनाउन आग्रह

८ कार्तिक २०८३, आइतबार,काठमाडौं। बंगालको खाडीमा विकसित भइरहेको न्यून चापीय प्रणालीका कारण आगामी बिहीबारदेखि नेपालका विभिन्न

अख्तियारकी आयुक्त अमात्य र प्रदीप अधिकारीबीचको अडियोले घुस र अनुसन्धानको सूचना चुहावटमाथि प्रश्न

आश्विन २६,काठमाडौं । भ्रष्टाचार नियन्त्रण गर्ने संवैधानिक जिम्मेवारी पाएको अख्तियार दुरुपयोग अनुसन्धान आयोगकी आयुक्त डा.

वैदेशिक भ्रमणमा कर्मचारीलाई पूर्वस्वीकृति अनिवार्य

काठमाडौँ, साउन २९ गते । निजामती तथा सरकारी कर्मचारीले अब वैदेशिक भ्रमणमा जानुअघि प्रधानमन्त्री तथा