हिजोे साँझ र आज विहान गरी दुई वटा स्टाट्स लेखेर नेकपाका पोलिटव्यूरो सदस्य भरत बमले उम्मेद्वारको व्यक्तिगत जीवन हित नहुने चेतावनी दिएका छन् ।
आज बिहान उनले लेखेको स्टाट्समा भनिएको छ, ‘सामन्यताः देशभरी विशेषत : कथित ६ नम्वर प्रदेशका साथै विषेश रुपले कालिकोटका स्थानीय चुनावका उम्मेद्वारहरु कृपया कोही पनि उम्मेद्वारी नदिनुहोला । यसले राष्ट्र र जनताको त हित हुँदैन नै, तपाईंहरुको व्यक्तिगत जीवनको पनि हित हुँदैन । यसले नयाँ द्धन्द्ध ल्याउँनेछ र यसको कारण पुरानो सत्ता र तपाईंहरु ठहरिनु हुनेछ । अनि इतिहासले हिसाव गर्नेछ । त्यो हिसावमा आफ्नो हिस्सा लिन हामी तयार छौँ । तपाईंहरु पनि तयार हुनुहोला किनकि यो एक दिनको रमाइलो पक्कै होइन ।’

शुक्रवार विहान करिव पौने नौ बजेतिर यो स्टाटस लेख्नुपूर्व नेता बमले हिजोे राती लेखेको स्टाट्समा थियो, ‘अहिले स्थानीय चुनावमा भाग लिनेहरु मुख्य दोषी त हैनन्, तर उनलाईजहाँ हुन्छ, जति सकिन्छ, जसरी हुन्छ, जनकारवाही गर्नुपर्छ किनकि उनीहरुले मुख्य दोषी दलाल राज्य र शासकको अन्धाधुन्ध रक्षा गर्ने गंभी र अक्षम्य गल्ती गर्दैछन् ।’
विप्लव पार्टीका अर्का नेताले रातोपाटीसँगको कुराकानीमा भने, ‘हामीले सकेसम्म चुनाव विथोल्ने प्रयास गर्छौँ । त्यसमा सवै खालका गतिविधि आउँछन् ।’