काठमाडौं । अमेरिकी राष्ट्रपति कार्यालय ह्वाइट हाउसमा त्यहाँका धेरै प्रशारण माध्यम तथा अखवार सम्वाददातालाई अनौपचारिक पत्रकार सम्मेलनमा भाग लिन प्रतिबन्ध लगाएको बीबीसीले जनाएको छ ।
बीबीसी, सीएनएन, न्यु योर्क टाइम्स लगायतका मिडियाका संवाददातालाई ह्वाइट हाउसमा प्रवक्ता सिन स्पाइसरको पत्रकार अन्तरक्रियामा भाग लिन रोक लगाइएको छ ।
तर किन रोक लगाइएको भन्नेबारे कुनै आधिकारिक कारण भने दिइएको छैन ।
तर राष्ट्रपति डोनाल्ड ट्रम्पका नीतिको आलोचना गरेका कारण रोक लगाएको हुन सक्ने अनुमान गरिएको छ ।
यो घटना राष्ट्रपति ट्रम्पले मेरिल्याण्डमा आयोजित एक कार्यक्रममा मिडियाविरुद्ध कडा आक्रमण गर्दै ‘फेक न्युज’ अमेरिकी जनताको शत्रु भएको बताएको केहि घण्टापछि भएको हो ।
यसअघि पनि सीएनएन तथा न्यु योर्क टाइम्सलाई मात्र ट्रम्पले आक्रमण गरेका थिए ।
हालै ट्रम्पका सहयोगीहरुले गुपचुप रुपमा रसियाका अधिकारीहरुसँग सम्पर्क गरेको बारेको रिपोर्ट प्रकाशित गरेपछि ट्रम्प रिसाएका थिए ।
शुक्रबारको ट्रम्पको सम्बोधन लगत्तै स्पाइसरले आफ्नो कार्यकक्षमा आयोजित पत्रकार सम्मेलनमा फक्स न्युज, एबीसी न्युज, रोयटर्स, ब्रिटबाट न्युज र दि वासिङटन पोस्टलाई मात्र छानीछानी पत्रकार सम्मेलनमा प्रवेश दिइएको थियो ।
सीएनएन बाहेक, पोलिटिको, बजफिडलाई पनि प्रवेश रोकिएको थियो ।
ह्वाइट हाउसको अपमानजनक व्यवहारप्रति असन्तुष्टि जनाउँदै प्रवेश दिइएका दि एसोसिएटेड प्रेस, यूएसए टुडे, टाइम्स म्यागेजिनले भने पत्रकार सम्मेलन बहिस्कार गरका थिए ।
असोज, ३ काठमाडौं। नेपाल ट्रेड युनियन महासंघ (जिफन्ट)ले भोटेकोशी र त्रिशूली नदी क्षेत्रमा आएको विनाशकारी
रमेश पन्त नेपाल कम्युनिस्ट पार्टी (एमाले) यतिवेला केवल आन्तरिक संगठनात्मक पुनर्गठन र नेतृत्व पुस्तान्तरणको
साउन २५, काठमाडौं । काठमाडौंमा तेस्रो अन्तर्राष्ट्रिय मातृभाषा पत्रकारिता सम्मेलन सोमबारदेखि सुरु भएको छ। सम्मेलनमा
गणेश यादवको मृत्यु एउटा परिवारको शोक मात्र होइन। त्यो नेपालको लोकतन्त्र, समाज र राज्यका लागि
दुबई, साउन ३ (रासस)। जोर्डनस्थित अमेरिकी सैन्य अड्डामा भएको आक्रमणमा अमेरिकी सैनिकको मृत्यु भएपछि त्यसको
काठमाडौं, असार २६ । काठमाडौंको त्रिपुरेश्वरस्थित राहदानी विभागअगाडि राइड सेयरिङ चालक गणेश नेपालीले आत्मदाहको प्रयास गरेपछि