September 3, 2016

ठूलो परिमाणमा लागुऔषधसहित दुई जना इन्जिनियरलाई पक्राउ

download (1)१८ भदौ, काठमाडों । सशस्त्र प्रहरी बलले ठूलो परिमाणमा लागुऔषधसहित दुई जना इन्जिनियरलाई पक्राउ गरेको छ । राजश्व तथा भन्सार सुरक्षा गुल्म डण्डा भैरहवाले ती दुई इन्जिनियरलाई पक्राउ गरेको छ।  पक्राउ पर्नेहरुमा रुपन्देहीको सौराहा फर्साटिकर–२ का २५ वर्षीय महेश गैरे र १ का २८ वर्षीय नवीनराज बास्तोला रहेका छन् । गैरे आईटी इन्जिनियर र बास्तोला सिभिल इन्जिनियर हुन् । बास्तोलाले योभन्दा अघि पनि एकपटक लागूऔषध ओसारपसार गरेका थिए । गैरे भने पहिलो पटकमै समातिएका हुन् ।

सिभिल इन्जिनियर बास्तोलाले फर्साटिकरमा आफ्नै रेष्टुरेण्ट छ । गैरे वर्डलिंक नेटवर्क प्रालिमा कार्यरत छन् । इन्जिनियरिङबाट कमाइ नभएपछि लागूऔषधको धन्दा सुरु गरेको उनीहरुको भनाइ छ । ‘इन्जिनियरिङ अध्यनन गरेर इन्जिनियर भएपनि नेपालमा राम्रो काम पाइएन र पैसाको प्रलोभनमा लागुऔषध ओसारपसारमा लागियो,’ उनीहरुको भनाइ छ ।

सीमावर्ती भारतीय बजार सुनौलीबाट झोलामा लागूऔषध ल्याउँदै गर्दा उनीहरुलाई पक्राउ गरिएको सशस्त्र प्रहरी बल राजश्व तथा भन्सार सुरक्षा गुल्म डण्डाका प्रमुख डीएसपी शंकर खनालले बताए । डीएसपी खनालले उनीहरुका साथबाट ठूलो परिमाणमा नुफिन, फेनारगन, नाइट्राभेटलगायतका २ हजार सीसी लागूऔषध बरामद भएको र सोको मूल्य ६ लाख रुपैयाँ पर्ने बताए । यसका अलावा उनीहरुबाट नगद २३ हजार रुपैयाँ, ३ वटा मोबाइल, ल्यापटप र उनीहरुले प्रयोग गरेको लु१८प ९३८१ नम्बरको मोटरसाइकल समेत नियन्त्रणमा लिइएको छ ।

पक्राउ परेका युवाहरु आर्थिक प्रलोभनमा परेर त्यस्तो धन्दामा लागेको सशस्त्र प्रहरीले जनाएको छ । ती लागूऔषध विभिन्न स्थानमा पु-याएबापत ३० हजार रुपैयाँ पाउने प्रलोधनमा परेर आफूहरुले त्यसमा हात हालेको उनीहरुले वयान दिएका छन् । राजधानी दैनिकमा खबर छ।

 

प्रतिक्रिया दिनुहोस्
सम्बन्धित वर्गका समाचारहरू

कोलकाताको ऋतुराज होटलमा आगलागी, १५ जनाको मृत्यु

कोलकाता, वैशाख १७ गते । भारतको कोलकाता सहरको एक होटलमा भीषण आगलागी हुँदा कम्तीमा १५ जनाको

दुर्गा प्रसाईं र अंगरक्षक दिपक खड्का पक्राउ

 चैत २९, काठमाडौं । मेडिकल व्यवसायी दुर्गा प्रसाईं पक्राउ पर्नुभएको छ । नेपाल प्रहरी प्रधान

प्रतिनिधिसभा बैठकअघि सभामुखले प्रमुख सचेतकहरुसँग छलफल गर्दै

काठमाडौँ,  चैत १७ गते । प्रतिनिधिसभाको आजको बैठक सुरु हुनुअघि सभामुख देवराज घिमिरेले राजनीतिक दलका

सामाजिक मर्यादा ध्वस्त बनाउने घृणाको राजनीति नियन्त्रण गर्छौं : प्रधानमन्त्री

फागुन १५ , काठमाडौं। प्रधानमन्त्री केपी शर्मा ओलीले सामाजिक मर्यादाहरु ध्वस्त बनाएर घृणाको राजनीति फैलाउने र

‘पत्रकारिताको माध्यमबाट निराशा हटाउनुपर्छ’

 फागुन ९,ललितपुर । पत्रकारिता क्षेत्रमा लामो समयदेखि कार्यरत पत्रकार तथा वक्ताहरुले पत्रकारिताको माध्यमबाट हरेक क्षेत्रमा भएका

प्रतिनिधिसभाबाट नेपाल नागरिकता दोस्रो संशोधन विधेयक स्वीकृत

फागुन ५, काठमाडौं । प्रतिनिधिसभाबाट नेपाल नागरिकता दोस्रो संशोधन विधेयकसम्बन्धी प्रस्ताव स्वीकृत भएको छ ।