१९ चैत, सुर्खेत, नेपाल ट्रेड युनियन महासंघ जिफन्ट आवद्ध नेपाल स्वास्थ्य स्वयम्सेवी संघ (नेभा) पञ्चपुरी नगरकमिटीको आइतबार सम्पन्न दोस्रो भेलाबाट पवित्रा बुढाको अध्यक्षतामा नौ सदस्यीय नगर कमिटी गठन भएको छ । कमिटीको उपाध्यक्षमा ईश्वरी अधिकारी, सचिव तुल्सी पौडेल, सहसचिव गंगा शाही र सदस्यहरुमा धनसरी खत्री, अन्जु घर्ती, राधा सुवेदी, सुशिला नेपाली र कृष्णा विष्ट सर्वसम्मत चयन भएका छन् । भेलाकी प्रमुख अतिथि नेभा केन्द्रीय सदस्य भिमु रिजालले भेलाको पूर्ण सफलताको शुभकामना दिंदै स्वास्थ्य स्वयम्सेविकाहरुको समस्यालाई समाधान गर्न सबै ठाउँबाट एकजुट भई संगठनमा आवद्ध हुन र अधिकारका लागि लड्न प्रोत्साहित गर्नु भएको थियो ।
भेलालाई सम्बोधन गर्दै विशिष्ट अतिथि जिफन्ट कर्णाली प्रदेश अध्यक्ष तेज प्रकाश जिसीले न्यून वर्गका महिला दिदीबहिनीहरुले सिमान्तकृत र जोखिममा रहेका समुदायका बस्ती बस्तीमा अहोरात्र आधारभूत स्वास्थ्य सेवा दिंदै आइरहेको बर्षौ बित्यो, तर श्रम ऐन र योगदानमा आधारित सामाजिक सुरक्षा कोषमा सूचीकृत गर्न स्थानीय सरकारले कार्याविधि निर्माण गरी उचित सेवा सुविधाको व्यवस्था गर्नु पर्नेमा जोड दिनुभयो । भेलाका अतिथि नगर स्वास्थ्य शाखा प्रमुख मनोहर उपाध्ययले स्वास्थ्य क्षेत्रमा कार्यरत महिला स्वास्थ्य स्वयम्सेविकाहरुको मागलाई मध्यनजर गर्दै कार्यपालिका तहमा कार्यान्वयनका लागि पहल गर्ने प्रतिवद्धता व्यक्त गर्नुभयो ।
सो अवसरमा स्वास्थ्य चौकी प्रमुख तारा तिवारीले स्वयम्सेविकाहरुलाई पर्ने आपतविपत र जोखिमलाई सुनुवाई गर्न आफ्नो तर्फबाट दश हजार प्रदान गरी राहत कोष खडा गर्ने घोषणा गर्दै यसमा सबैलाई सहयोग गर्न आग्रह समेत गर्नुभयो ।
नवनिर्वाचित नगर कमिटी सचिव तुल्सी पौडेलले यस नगरमा कार्यरत पन्चानब्बे जना स्वयम्सेविकाहरुको साझा समस्यालाई समाधान गर्न स्थानीय सरकारसँग सामाजिक सम्वाद थालनी गर्ने र अधिकार लिएरै छोड्ने प्रतिवद्धता जनाउनुभयो ।
सो अवसरमा पञ्चपुरी नगरपालिका वडा नं. ८ मा कार्यरत स्वास्थ्य स्वयम्सेवि स्व.लक्ष्मी राम्जाली मगरको सम्झनामा शोक सभा समेत आयोजना गरिएको थियो । सो शोक सभामा उहाँको श्रीमान् हेमन्त राम्जाली मगरलाई जिफन्ट प्रदेश कमिटीको तर्फबाट प्रदेश अध्यक्ष जिसीले १२ हजार नगद रकम राहत स्वरुप प्रदान गर्नुभयो ।
भेलामा नेभा प्रदेश अध्यक्ष दुर्गा धमला र क्यूपेक–नेपाल के.स. भिम प्रसाद न्यौपानेले भेलाको सफलताको शुभकामना दिनुभयो । पवित्रा बुढाको अध्यक्षतामा भएको सो भेलामा पञ्चपुरी नगरपालिकामा कार्यरत एकहत्तर जना स्वास्थ्य स्वयम्सेविकाहरुको सहभागिता रहेको थियो भने कार्यक्रम ईश्वरी पोख्रेलले सञ्चालन गर्नु भएको थियो ।
कार्तिक ११, काठमाडौँ । गत भदौ १० गते भोटेकोशी र त्रिशूली नदीमा आएको भीषण बाढीमा परी
काठमाडौं, २६ असोज। सर्वोच्च अदालतले गैरकानुनी रूपमा बर्खास्त गरिएका श्रमिकलाई पुनर्बहाली नगर्ने अवस्थामा क्षतिपूर्ति निर्धारण
काठमाडौँ, असोज २४। उपत्यकामा एउटा ब्रान्डको ग्यास सिलिन्डर अर्कोसँग सहजै साट्न नपाएर हैरानी खेपिरहेका उपभोक्ताका
जलवायु परिवर्तनको भारी: नेपालले कुल कार्बन उत्सर्जनमा ०.१ प्रतिशतभन्दा कम योगदान दिए पनि ठूलो मूल्य
असोज ८,काठमाडौं । सर्वोच्च अदालतले राजनीतिक विश्लेषक भरत दाहाललाई थुनामुक्त गर्न परमादेश जारी गरेको छ।दाहालकी
काठमाडौं, असोज ४ । काठमाडौं उपत्यकामा रात्रिकालीन यातायात सेवालाई थप सहज र सुरक्षित बनाउने उद्देश्यले उपत्यकाका