सङ्कट देखाएर मूल्य वृद्धि

काठमाडौँ, फागुन २६ गते । रुस–युक्रेन युद्धका कारण नेपाली बजारमा खानेतेलको मूल्य प्रतिलिटर ५० रुपियाँसम्म बढेको छ । पछिल्लो एक साताको अवधिमा नेपाली बजारमा सनफ्लावर र भटमासको तेलको मूल्य ५० रुपियाँ बढेको हो । नेपाल खुद्रा व्यापार सङ्घका अनुसार एक साताअघि प्रतिलिटर २३० रुपियाँमा किनबेच भएको सनफ्लावर र भटमास तेलको मूल्य अहिले बढेर २८० रुपियाँ नयाँ प्रिन्ट गरेको तेल बजारमा आएको छ ।

सङ्घका महासचिव आमुल तुलाधरले युक्रेनमा युुद्ध सुरु हुनेबित्तिकै नेपाली बजारमा उद्योगीले खानेतेल बढाउँदा पनि सरकारका जिम्मेवार नियमनकारी मौन बनेको आरोप लगाउनुभयो । “युक्रेन युद्ध हुनेबित्तिकै नेपालमा तेल कसरी बढयो ? जबकी उद्योगीले तीन महिनालाई पुग्ने कच्चा तेल त पहिले नै स्टोर गरेका हुन्छन् । यो कुरा सरकारका नियमनकारी निकायलाई राम्ररी थाहा छ तर पनि किन चुप ?” उहाँले प्रश्न गर्नुभयो ।

तेल उद्योगीले भने युुक्रेन–रसियाको युद्ध सुरु भएपछि नेपालमा आयातका लागि गरेका सबै अर्डर रद्द भएकाले बजारमा तेलको उत्पादन घटेको दाबी गरेका छन् । नेपाली बजारको तेलको माग करिब ५० प्रतिशत पूर्ति गर्दै आएको दुगडले आफ्ना समूहले उत्पादन गरेका तेल बजारमा पर्याप्त भएको दाबी गर्दै आएको छ । दुगडले इन्धनको मूल्य वृद्धिले ढुवानीको लागत बढेसँगै तेलको भाउ केही बढेको जनाएको छ ।

बजार अनुुगमन गर्ने जिम्मा पाएको वाणिज्य, आपूर्ति तथा उपभोक्ता संरक्षण विभागका महानिर्देशक प्रेमकुमार श्रेष्ठले उद्योगी तेलको मूल्य बढ्नुको यर्थाथ प्रमाण उपलब्ध गराउन उद्योगीलाई पुनः निर्देशन दिएको जानकारी दिनुभयो । यसअघि उद्योगले विभागमा बुझाएको विवरण चित्त बुझ्दो नभएपछि विभागले उद्योगीलाई बोलाएर नै ढुवानी लागत र तेलको उत्पादन लागत स्पष्ट हुने कागजात उपलब्ध गराउन निर्देशन दिएको उहाँको भनाइ छ ।

महानिर्देशक श्रेष्ठले भन्नुभयो, यसअघि विभागले मागेको विवरणमा बैङ्कको ब्याज, ढुवानी, कच्चा तेल बढेकोलगायतका कुरा उल्लेख गरेर बढाइएको भनिएको छ, अहिले तेलको मूल्य हेर्दा त्यो त्यति चित्त बुझ्दो नभएपछि थप कागजात माग गरेका छौँ ।

प्रतिक्रिया दिनुहोस्
सम्बन्धित वर्गका समाचारहरू

बालबालिकालाई विद्यालयमा भर्ना गर्न प्रधानमन्त्रीको आह्वान

वैशाख २, काठमाडौँ । प्रधानमन्त्री पुष्पकमल दाहाल ‘प्रचण्ड’ले विद्यालय जाने उमेरका बालबालिकालाई पायक पर्ने विद्यालयमा भर्ना

लुम्बिनीका मुख्यमन्त्री चौधरीले विश्वासको मत लिँदै

तुलसीपुर (दाङ), चैत २२ गते । लुम्बिनी प्रदेश सरकारका मुख्यमन्त्री डिल्लीबहादुर चौधरीले आज विश्वासको मत लिनुहुने

एसईईमा वञ्चित भएकालाई परीक्षा दिने व्यवस्था मिलाइन्छः शिक्षामन्त्री श्रेष्ठ

काठमाडौं, चैत २१ गते। शिक्षा, विज्ञान तथा प्रविधिमन्त्री सुमना श्रेष्ठले माध्यामिक शिक्षा परीक्षा (एसईई)बाट वञ्चित

अत्याधुनिक हतियारसहित पक्राउ परेकालाई पाँच दिन हिरासतमा राख्न अनुमति

 चैत ७,काठमाडौँ। सर्वोच्च अदालत परिसरबाट सोमबार अत्याधुनिक हतियारसहित पक्राउ परेका दुई जनालाई पाँच दिन हिरासतमा राख्न

कोरिया जाने श्रमिकको कोटा थपियाे

चैत २,  काठमाडौँ। दक्षिण कोरियामा सन् २०२४ का लागि रोजगार अनुमति प्रणाली (इपिएस) मार्फत जाने

सत्तारुढ गठबन्धनबिच सात बुँदे सहमति

 फागुन २९,काठमाडौं । । मङ्गलबार बिहान प्रधानमन्त्री निवास बालुवाटारमा बसेको सत्तारुढ गठबन्धनको बैठकमा  नेकपा (माओवादी