भक्तपुर, २५ फागुन । सर्वोच्चले नेकपा एमाले र माओवादी केन्द्रलाई पुरानै अवस्थामा व्यूँताइदिएपछि देशभर एमालेले आफ्नो साइनबोर्ड राख्ने कार्यलाई तिव्रता दिँदै कार्यकर्तामा उत्साह प्रदान गरीरहेको छ । यसै क्रममा भक्तपुर जिल्लामा पनि नेकपा एमालेको साइन बोर्ड राखिएको छ ।
आज भक्तपुरमा एमालेको सानबोर्ड राखिएको छ । नेकपा एमाले जिल्ला कमिटी भक्तपुरका अध्यक्ष बचन देउजाका अनुसार सर्वोच्चको आदेश कार्यान्वयनका लागि आजदेखि पार्टी कार्यालयको नाम र साइनबोर्ड परिवर्तन गरेको हो ।
उहाँले भन्नुभयो, ‘भक्तपुर जिल्ला पार्टी कार्यालयमा सर्वोच्च अदालतको निर्णयलाई स्वीकार्दै हामीले नेकपा एमालेको बोर्ड रोखेका हौं । तत्कालिन नेकपा नरहने र साविकका पार्टी नै कायम अदालतले गरिदिएपछि पार्टी कार्यालयको साइनबोर्ड परिवर्तन गरेका हौं । अब पूर्ववत् रुपमा रहेको पार्टी कार्यालयमा एमालेको कार्यालय भएको छ ।’
सर्वोच्च अदालतले नेपाल कम्युनिष्ट पार्टी (एमाले) र नेकपा (माओवादी केन्द्र)लाई एकता पहिलेकै अवस्थामा ब्युँताएपछि पार्टी कार्यालय पनि पहिलेकै अवस्थामा फर्किन थालेका हुन् ।
