September 18, 2020

सोर्सफोर्सका आधारमा पक्राउलगत्तै रिहा

पृथ्वीचोकमा तुलाचन फेन्सी सञ्चालन गर्दै आएका क्षितिज तुलाचन एकाएक पक्राउ परे । करिब ४ बजे सादा पोसाकका प्रहरी च्यानल बनाउँदै तुलाचनसम्म पुगेको थियो । लागूऔषध किन्ने बहानामा पुगेको प्रहरीले तुलाचनलाई केही रकम दिएर लागूऔषध किन्यो । त्यसलगत्तै वैदाम प्रहरीको भ्यानमा हत्कडी लगाई अपराधीलाई झैं पक्रेर दुई चार मुक्का बजाउँदै चौकी लगे ।

तुलाचनलाई प्रहरीले त्यसरी लगेको देख्दा व्यवसायीहरु अचम्ममा परे । लागूऔषध कारोबार गर्ने गरेको भन्ने सुराकीको आधारमा प्रहरी त्यहाँसम्म पुगेको थियो । तर पक्राउ परेका तुलाचन साँझ आफ्नै पसलमा आइपुगे । लछारपछार तथा कुटपिट गर्दै लगेको प्रहरीले साँझ पसलमा देख्दा त्यहाँका स्थानीय छक्क परेका थिए ।

 

पक्राउ परेको डेढ घण्टामा नै छुटेर आएका तुलाचन गण्डकी प्रदेश प्रमुख अमिक शेरचनको नातेदार भएको खुलेको छ । त्यति मात्र होइन, उनी गएको निर्वाचनमा नेकपाबाट वडाध्यक्षको उम्मेदवारी दिएका गोविन्द तुलाचनका छोरा भएको खुल्न आएको छ ।

‘प्रहरीले हतकडी लगाएर लगेका व्यक्ति डेढ घण्टामा नै छुटे, उनी यही वडामा वडाध्यक्षमा हारेकाका छोरा हुन् । अमिक शेरचनको छोरा, ज्वाइँ त्यस्तै केही पर्छन्।’ –एक प्रत्यक्षदर्शीले भने ।

स्रोतका अनुसार तुलाचनलाई लागूऔषधसहित पक्राउ गरे पनि फोनको भरमा छाडिएको हो । शुक्रबारका दिन त्यसमा पनि अपराह्नको समयमा पक्राउ परेका व्यक्ति उनलाई अनुसन्धान नै गर्ने हो भने पनि त्यति चाँडो सकिँदैनथ्यो ।

उता जिल्ला प्रहरी कार्यालय कास्कीका प्रमुख एसपी जीवन श्रेष्ठले तुलाचनबाट केही नभेटिएको बताउनुभयो । ‘हामीले शंकाको आधारमा पक्राउ गरेका हौं । केही भेटिएन त्यसैले छाडेका हौं।’ –प्रमुख श्रेष्ठले भन्नुभयो । तुलाचनबाट केही चिज बरामद गरिएको प्रहरी उच्चस्रोतले बताएको छ । नेपाल समाचारपत्र दैनिकमा खबर छापिएकाे छ ।

प्रतिक्रिया दिनुहोस्
सम्बन्धित वर्गका समाचारहरू

काठमाडौँमा वायु प्रदूषण नियन्त्रण कार्ययोजना आउँदै

मंसिर ३, काठमाडौँ । काठमाडौँ महानगरपालिकाले उपत्यकामा बढ्दो वायु प्रदूषण नियन्त्रणका लागि विशेष कार्ययोजना सार्वजनिक

सार्वजनिक खरिदका श्रमिकलाई न्यूनतम पारिश्रमिक तोकियो, अदक्ष कामदारको दैनिक १७४० पुग्यो

कार्तिक २३, २०८३, काठमाडौं । सरकारले सार्वजनिक खरिदअन्तर्गत सञ्चालन हुने सम्पूर्ण आयोजना तथा कार्यक्रममा आबद्ध

ट्रेड युनियन अधिकार कमजोर पार्ने सरकारी निर्णय फिर्ता लिन अन्तर्राष्ट्रिय श्रमिक संगठनहरूको माग

कार्तिक १९,काठमाडौं । अन्तर्राष्ट्रिय ट्रेड युनियन महासंघ एसिया–प्रशान्त क्षेत्र (आईटीयूसी–एपी) सहित विभिन्न अन्तर्राष्ट्रिय श्रमिक संगठनहरूले

प्रधानन्यायाधीश र न्यायाधीशबारे छानबिन गर्न माग

काठमाडौँ, १३ कात्तिक। प्रधानन्यायाधीश डा. मनोजकुमार शर्मा र सर्वोच्च अदालतका न्यायाधीश हरिप्रसाद फुयाँलको नाम जोडिएर

भोटेकोशी बाढीमा बेपत्ता मृत घोषणा गर्ने प्रक्रिया सुरु, राहत भने अझै अलपत्र

कार्तिक ११, काठमाडौँ । गत भदौ १० गते भोटेकोशी र त्रिशूली नदीमा आएको भीषण बाढीमा परी

बंगालको खाडीको न्यून चापीय प्रणालीको प्रभाव: बिहीबारदेखि वर्षा र हिमपातको सम्भावना, सतर्कता अपनाउन आग्रह

८ कार्तिक २०८३, आइतबार,काठमाडौं। बंगालको खाडीमा विकसित भइरहेको न्यून चापीय प्रणालीका कारण आगामी बिहीबारदेखि नेपालका विभिन्न