त्यस्तै मोरङको सुन्दरहरैंचा–७ ठडियास्थित पुर्व–पश्चिम राजमार्गको किनारामा कुकर बम भेटिएको छ । राजमार्ग छेउमा रहेको बिजुलीको पोल नजिकै उक्त बम फेला परेको हो । बम भेटिएको स्थानलाई सुरक्षाकर्मीले घेरा हालेका थिए । रातो तारले कुकरलाई बेरेर राखिएको अवस्थामा फेला परेको थियो ।
मोरङको मिक्लाजुङ गाउँपालिका वडा नं. ९ बजारबाट करिब २ सय मिटरको दुरी उर्लाबारी मधुमल्ला सडक खण्डमा बम जस्तै देखीने संकास्पद बस्तु फेला परेको छ ।
सोमबार विहान ९ बजेको समयमा स्थानियले बम जस्तै देखिने बस्तु फेला परेपछि प्रहरी खबर गरेका थिए । मधुमल्ला स्थित रहेको पेट्रोल पप्म नजिकै सिसाको बोतलमा तार जाडेर फालेको अवस्थामा फेला परेको जिल्ला प्रहरी कार्यलय मोरङका प्रवक्ता डिएसपी घनस्याम श्रेष्ठले जानकारी दिए ।
सुनसरीको इटहरीमा बम डिस्पोज भएको केहि घण्टा नवित्दै इटहरीमै पुःन बम फेला परेको छ । विहान चारकोशे झाडी स्थित सेउती पुलमा २ वटा वम डिस्पोज भएको थियो । पुःन इटहरी १२ खनारमा बम भेटिएको छ । खनारमा बम भेटिएपछि डिस्पोजल टोली घट्नास्थल तिर आउँदै गरेको प्रहरीले जनाएको छ । यस अघि मोरङको सुन्दरहरैचा र सुनसरीको कोशी राजमार्ग अन्तरगतको पानीपियामा भेटीएको बमलाई नेपाली सेनाको डिस्पोज टोलिले निष्कृय पारेको छ ।
उता झापाको दमक नगरपालिका वडा नं ७ र ८ को सिमानामा पर्ने रतुवा पुलमा पनि बम फेला परेको छ । रतुवा पुलमा प्रेसर कुकर बम फेला परेपछि करिब २ घण्टा यता पुर्वपश्चिम राजमार्ग अवरुद्ध छ । प्रेसर कुकर बमलाई चारआलीबाट आएको नेपाली सेनाको टोलीले डिस्पोज गरेको छ । बम फेला परेपछि राजमार्ग अवरुद्ध हुदा सवारीसाधानहरु जाममा परे । बिहानैदेखि विभिन्न ठाउँमा शंकास्पद वस्तु तथा बमहरु फेला परेको थियो । रतुवा पुलबाहेक झापाको गौरदहस्थित नवनिर्मित ट्राफिक भवन नजिकै पनि शंकास्पद वस्तु फेला परेको थियो । बम कसले राखेको हो भन्ने नखुले पनि सोमबार विप्लव माओवादीले आह्वान गरेकोले बम पनि सोही समुहले राखेको हुनसक्ने प्रहरीले अनुमान गरेको छ ।
