अाज नेप्सेमा सामान्य सुधार

 साताको तेस्रो दिन नेप्से परिसूचकमा सामान्य सुधार आएको छ । गत साताको अन्तिम दुई दिनदेखि घटिरहेको सेयर बजारले मंगलबार भने लगानीकर्तालाई खुसीको सन्देश दिएको हो ।

साताको तेस्रो दिन कारोबार सुरु भएको दश मिनेट घटेर कारोबार सुरु भएको पौने घण्टासम्म उकालो लोगेको नेप्से सोही बिन्दुमा अडिन नसक्दा उच्च अंकको सुधार आत्मासात् गर्न नसकेको हो । केही समयमै पहिलेको बिन्दुमा फर्किएर बढ्न बारम्बार प्रयास गरेपनि नेप्से उकालो लाग्न सकेन । 

अन्ततः नेप्से परिसूचक २ दशमलव ६९ अंकले बढेर १ हजार २ सय ४१ दशमलव ३६ अंकमा पुगेको हो ।नेप्से बढ्दा यसदिन ‘क’ वर्गका कम्पनीहरुको कारोबार मापन गर्ने सेन्सिटिभ इन्डेक्स पनि शून्य दशमलव ६५ अंकले बढेर २ सय ६३ दशमलव ४५ अ्रकमा पुगेको छ । तर, कारोबार रकम भने घटेको छ । अघिल्ले दिन करिब ५४ करोड रुपैयाँको कारोबार भएको सेयर बजारमा यसदिन ४५ करोड १९ लाख ९३ हजार ४ सय ८५ रुपैयाँको कारोबार भयो । यसक्रममा बजारमा १ सय ७१ कम्पनीका २० लाख ३१ हजार कित्ता सेयर खरिदबिक्री भए ।

नेप्से बढ्दा मंगलबार कारोबारमा आएका ११ समूहमध्ये ६ वटा समूहको समूहगत उपसूचक बढ्यो । बढ्नेमा जीवन बीमा कम्पनी सर्वाधिक १४ दशमलव ६२ अंकले उकालो लाग्दा निर्जीवन बीमा समूह पनि १२ दशमलव १५ अ्कले सुधारियो ।
यसदिन कारोबारमा आएका कम्पनीमध्ये सबैभन्दा धेरै कारोबार ग्लोबल आईएमई बैंकको सेयरको भयो । बैंकका १ लाख १५ हजार ७ सय ९७ कित्ता सेयर ३ करोड ६५ लाख रुपैयाँमा किनबेच भए ।कारोबार रकमको आधारमा सानिमा माई हाइड्रोपावर र माछापुच्छ्रे बैंक दोस्रो र तेस्रो स्थानमा रहे ।

नेप्सेब बढेको दिन मंगलबार नापेड लघुवित्तका लगानीकर्ताले सबैभन्दा धेरै कमाए । कम्पनीको सेयर मूल्य ९ दशमलव ९२ प्रतिशतले बढ्दा भातर्वः विकास बैंकको सेयर मूल्य भने ९ दशमलव ३५ प्रतिशतले घट्यो ।