देशैभर आज पनि वर्षा, सबै नदीको बहाव बढ्ने, यी हुन् सतर्क रहन तोकिएका स्थान

काठमाडौँ, साउन २१ । आज (सोमबार) दिउँसो र राति देशैभर मध्यम वर्षाको सम्भावना रहेको हुँदा देशभरका नदीहरुको बहाव बढ्ने भएकोले बाढी पूर्वानुमान शाखाले सतर्क रहन अनुरोध गरेको छ ।

देशैभर मध्यम बर्षाको सम्भावना छ र आज प्राय नदीहरूमा बहाव उल्लेख्य बढ्ने बाढी पूर्वानूमान शाखाले अनुमान गरेको छ ।

कन्काई, कमला, बागमती लगायतमा बहाब आज दिउँसो सम्म सतर्कता आसपास हुने सम्भावना छ । दाङ, बांके, बर्दिया, कैलाली, सुर्खत, झापा, मोरङ, सुनशरी, सिन्धुली जिल्लामा सतर्क रहौं, पूर्वानुमान शाखाले भनेको छ ।

बाग्मती–खोकना बाढी केन्द्रमा बहाब सतर्कता तह नजिक र बढ्दो क्रममा रहेको अनुमान छ ।

काठमाडौं उपत्यकाका नख्खु, मनोहरा, बागमती, धोवीखोला, विष्णुमती लगायतमा बहाब बढ्दो रहेका कारण होचो क्षेत्रमा डुबान हुने सम्भावना भएकोले सतर्क रहन बाढी पूर्वानुमान शाखाले जनाएको छ ।

बागमती तराइको क्षेत्रमा दिउसो २ बजे तिर सतर्कता तह नजिक पुग्न सक्ने अनुमान छ ।