नयाँ वर्ष लागेयता नेप्से परिसूचक दोस्रोपल्ट घटेको छ । अघिल्लो दिन २७.६४ अंकले घटेको सेयर बजार परिसूचक मंगलबार पनि १५.९९ अंकले ओरालो लागेको हो ।
साताको तेस्रो दिन नेप्से परिसूचक नकारात्मक रहँदा अघिल्लो दिनभन्दा आधा कारोबार भयो । सोमबार डेढ अर्बको कारोबार भएका सेयर बजारमा मंगलबार सोहीदिनको परिसूचकको प्रभाव परेको हो ।
१० सय १० दशमलव ८५ अंकबाट सुरु भएको मंगलबारको बजारमा तीब्र उतारचढाव देखियो । यसदिन बजार खुल्नेवित्तिकै केही सुधार देखिएको बजार त्यसयता निरन्तर घटबढ गरिरह्यो । अन्ततः पछिल्लो पौने घण्टा तीब्र रुपमा घट्दै बजार १३ सय ९४ दशमलव ८६ अंकमा पुगेर सीमित भएको हो ।
अधिकांश लगानीकर्ता अघिल्लो दिन “प्रोफिट बुक” गरी आज निश्क्रिय हुँदा बजारमा कारोबार चाप घटेको जानकार बताउँछन् । अपेक्षा गरेअनुरुप बजार घटेको उनीहरु दावी गर्छन् ।
बजार बढेको बेला सेयर धनीहरु मौका कुरेर बस्नुको प्रभाव आजको बजारमा देखिएको लगानीकर्ता विवेक शर्माको दावी छ । बाह्रखरीसँग उनले भने, “यद्यपि बजार के हुन्छ भनेर कसैले अड्कल लगाउन सक्दैन । बजारको यो उतारचढावले कुन समूहको कम्पनीमा लगानी गर्ने दुविधा सिर्जना गरेको छ ।”
मंगलबारको बजारमा कारोबार रकम भने आधाले घटेको छ । अघिल्लो दिन १ अर्ब अर्ब ५२ करोड रुपैयाँको कारोबार भएकोमा यसदिन ७३ करोड ९२ लाख २२ हजार ५९ रुपैयाँको सेयर किनबेच भए । यसक्रममा १७० कम्पनीका १७ लाख १९ हजार ८ सय कित्ता सेयर खरिदविक्रि भए ।
नेप्से घट्दा मंगलबार “क” वर्गका कम्पनीहरुको कारोरबार मापन गर्ने सेन्सिटिभ इन्डेक्स पनि ३.४२ अंकले घटेर २९४.६२ अंकमा सिमित भएको छ ।
नेप्से घट्दा आज समूहगत परिसूचकतर्फ ट्रेडिङबाहेक सबै समूह नकारात्मक रहेका छन् । घट्नेमा विकास बैंक समूह सबैभन्दा धेरै १.६८ प्रतिशत घट्यो । अंकका आधारमा बीमा समूह सर्वाधिक ७६ (१.०४ प्रतिशत) अंकले ओरालो लाग्दा बैंक र वित्त समूह पनि १ प्रतिशतले घटे । यसदिन ३९ कम्पनीका सेयरधनीलाई मात्र बजार फलदायी बन्यो । बढ्नेमा नेसनल फाइनान्सका लगानीकर्ताले ६.५३ प्रतिशत कमाए भने एभरेस्ट कम्पनीको सेयर मूल्य ५.९९ प्रतिशतले बढ्यो ।
सोमबार ३ कम्पनीका सेयरधनीले ५ प्रतिशतभन्दा बढी सेयरमूल्य गुमाए । घट्नेमा सांग्रिरा विकास बैंकको सेयर मूल्य ५.३६ तथा प्रोग्रेसिभ फाइनान्स र कनकाई विकास बैंकको पनि सेयर मूल्य ५/५ प्रतिशतले घट्यो ।
यसदिन सेन्चुरी कमर्सिएल बैंकको सेयर खरिदविक्री उच्च रह्यो । यसदिन बैंकका १ लाख ३९ हजार ३९९ कित्ता सेयर ३ सय ९८ कारोबारमार्फत् २ करोड ७६ लाख ३ रुपैयाँमा खरिदविक्री भए । चालू आवको वित्तीय विवरणमा बैंकको नाफा सतप्रतिशतले बढेको खबरले यसदिन बैंकको सेयरमा लगानीकर्ता झुम्मिए । बैंकको सेयर दिनभन्दा ३ रुपैयाँ सस्तोमा पाइएको थियो । यही कारण बैंकको सेयरको उच्च कारोबार भएको जानकारहरुको दावी छ ।
यसदिन नेपाल लाईफ इन्स्योरेन्स कम्पनी, नेपाल बैंकलगायत अन्य ६ कम्पनीको पनि २ करोडभन्दा बढीको कारोबार भयो ।
नेप्से घट्दा यसदिन बजार पुँजीकरण १६ खर्ब ३६ अर्ब ८० करोडमा पुगेको छ ।
२०८३ कार्तिक ८, काठमाडौं । पीएचपी प्रोग्रामिङ भाषामा सुरक्षा कमजोरी भेटिएपछि नेपालका अधिकांश सरकारी वेबसाइट
काठमाडौँ, असार २३ गते । उद्योग, वाणिज्य तथा आपूर्तिमन्त्री गौरीकुमारी यादवले सैनिक सामग्री उत्पादन निर्देशनालयमार्फत
चैत २५, काठमाडौँ । सरकारले सार्वजनिक यातायातको भाडादर वृद्धि गरेको छ। इन्धनको मूल्यमा भएको
काठमाडौं, चैत ३। आगामी आर्थिक वर्ष २०८३/८४ को बजेट निर्माणमा जुटेको अर्थ मन्त्रालय मुख्य नीतिगत
वाशिङ्टन डिसी (अमेरिका), असोज ३० गते । विश्व बैंकको वार्षिक बैठकमा भाग लिन अमेरिकामा रहनुभएका अर्थमन्त्री
काठमाडौँ, असोज १२ ।नेपाल विद्युत प्राधिकरण (नेपा) ले २४ वटा सौर्य ऊर्जा आयोजनासँग विद्युत खरिद
