काठमाडौँ १ बैशाख -अमेरिकि सेनाले सिरियामा मिसाइल आक्रमण सुरु गरेको छ । सिरियाको विद्रोहीहरुले नियन्त्रण गरेको क्षेत्रमा रसायनिक आक्रमणको जवाफमा अमेरिकाले सिरियाली सेनाविरुद्ध आक्रमण गरेको हो ।
अमेरिकाको सैन्य हमलामा फ्रान्स र बेलायतले पनि साथ दिएका छन् । ट्रम्पले दुई देशको सहयोगमा सिरियामा क्षेप्यास्त्र हमलाको अनुमति दिएको पनि बताएको अन्तराष्ट्रिय सञ्चारमाध्यमले जनाएका छन् । बेलायती प्रधानमन्त्री टेरिजा मेले सिरियामा बल प्रयोग गर्नुको कुनै विकल्प नभएकाले आक्रमण गर्नुपरेको बताएको बीबीसीले जनाएको छ । तर रुसले भने सिरियाली सरकारलाई सहयोग गर्दै आएको छ ।
सिरियामा आक्रमण गर्ने अमेरिकी राष्ट्रपति ट्रम्पको घोषणालगत्तै राजधानी दमास्कस वरपर विष्फोटका ठूला आवाज सुनिएका छन् । अमेरिकी अधिकारीहरुले यस सैन्य कारवाहीमा लडाकू विमान र युद्धपोतको समेत प्रयोग गरिएको जानकारी दिएका छन् ।
