गोकुल बास्कोटालाई मन्त्री बनाउदा एमाले र काभ्रेकै हित

बिष्णु चौलागाईं ,फाल्गुन २०, काभ्रे ।नयाँ सरकार गठनसँगै सरकारमा को मन्त्री बन्लान कस्ता मन्त्री आउलान भन्ने चासो सर्वत्र छ । प्रधानमन्त्री केपी ओलीले दुई पटक मन्त्रीमण्डल विस्तार गर्दा स्वच्छ छविका मन्त्रीहरु मात्रै अगाडी ल्याएकाले अव थप हुने मन्त्रीहरुमा पनि त्यस्तै अनुहार आउने आशा सबैले गरेका छन् ।
महिलामन्त्रीमा थममाया थापा र बाताबरण मन्त्रीमा लालबाबु पण्डितलाई मन्त्रीमा नियुक्त गरेकै दिनवाट यो सरकारमा राम्रा र असल मानिसहरुले मात्रै मौका पाउछन भन्ने अपेक्षा धेरैले गरेका थिए । नभन्दै दोस्रोपटक मन्त्रीपरिषद विस्तार हुँदा त्यस्तै स्वभाव र विशेषताका मन्त्रीहरु नै आएपछि सरकारले सुशासन र विकास सुनिश्चित गर्ने अपेक्षा जनताले पनि गरेका छन् ।
आफूले कार्यभार सम्हालेको डेढ हप्तापछि प्रधानमन्त्री केपी ओलीले गठबन्धन सहयात्री माओवादी केन्द्रलाई समेत सामेल गर्दै मन्त्रिपरिषद् विस्तार गरेसँगै नयाँ सन्देश दिएका हुन । एमालेका ईश्वर पोख्रेलले रक्षा र युवराज खतिवडाले अर्थ मन्त्रालय पाएका छन । माओवादी केन्द्रका रामबहादुर थापाले गृह र मातृका यादवले उद्योग, वाणिज्य तथा आपूर्ति मन्त्रालयको जिम्मा पाएका छन । यसरी चार मन्त्री थपिएपछि मन्त्रिपरिषद् सात सदस्यीय बनेको छ ।
सोमवार मन्त्री बनेकामध्ये युवराज खतिवडाबाहेक सबै राजनीतिमा सक्रिय नेता हुन । योजना आयोगका पूर्व उपाध्यक्ष एवम् राष्ट्र ब्याङ्कका पूर्व गभर्नर खतिवडा अर्थ क्षेत्रका विज्ञ हुन । उनले आफ्नो विज्ञता रहेको क्षेत्रसँग सम्बन्धित मन्त्रालय सम्हाल्ने मौका पाएका छन । उनी ओली नेतृत्वको सरकारको सिफारिसमा राष्ट्रिय सभामा मनोनित भएका थिए । एमालेका महासचिव ईश्वर पोख्रेलसँग विगतमा उपप्रधानमन्त्री र मन्त्रीको कार्यभार सम्हालेको अनुभव छ । माओवादी केन्द्रबाट विगतमा असन्तुष्टि पोखेर पार्टी छाडेका र पछि फर्किएका दुई नेता रामबहादुर थापा र मातृका यादव प्रारम्भिक चरणमा मन्त्रिपरिषद्मा सहभागी भएका छन ।
नयाँ सरकारमा १८ वटा मन्त्रालय हुने भएकाले अझै ११ मन्त्रालयमा मन्त्री चयन गर्न बाँकी रहेको छ । एमालेले ११ माओवादीले ७ मन्त्रालय लिने यसअघिको सहमति भएपनि फोरम नेपाल समेत सरकारमा आउने भएपछि केही मन्त्रालय घटबढ हुने सम्भावना छ । अघिल्लो कार्यकालमा ६ जनासम्म उपप्रधानमन्त्री बनाउँदा जनस्तरमा आलोचना भएकाले प्रधानमन्त्रीले उपप्रधानमन्त्री नराख्ने बुद्धिमतापूर्ण निर्णय गर्नुभएको छ ।
सरकारमा एमालेले पाउन बाँकी मन्त्रालयहरुमा उपाध्यक्ष भीमबहादुर रावल,स्थायी समिति सदस्य तथा पूर्वअर्थमन्त्री सुरेन्द्र पाण्डे मन्त्रीको सूचिमा छन् । तैपनि नयाँ बन्ने सरकारमा काभ्रेवाट प्रतिनिधित्व गर्ने सांसद गोकुल बाँस्कोटाले मन्त्री बन्ने विषयमा बढि महत्व पाएको छ । अवसर नपाएका र क्षमता देखाउन सक्ने सम्भावनायुक्त नेताको रुपमा लिएर बाँस्कोटालाई शिक्षा तथा खेलकुद मन्त्री बनाउनुपर्ने आवाज चर्को रुपमा उठिरहेको छ । गोकुल बाँस्कोटाको नाम मन्त्रीमा त्यतिकै चर्चामा आएको भने हैन । केपी ओलीसँग निकटमा रहेर लामो समयदेखि काम गरेको अनुभवले प्रधानमन्त्रीलाई सघाउने मन्त्रीको रुपमा पनि बाँस्कोटाको अहिलेको सरकारमा उपस्थिती हुनुपर्ने आवाज एमाले भित्रैवाट आएको छ । सरकार राम्रोसँग चलाउने प्रधानमन्त्रीलाई सहयोग गर्ने टिमको राम्रो र बलियो नेताको रुपमा बाँस्कोटालाई मन्त्री बनाउनुपर्ने एमालेभित्रैवाट दवाब आएको छ ।
सोही कारणपनि प्रदेश नम्बर तीनको सरकार गठन हुँदा काभ्रेवाट कसैलाई पनि मन्त्री नबनाएर एमाले नेतृत्वले बाँस्कोटालाई महत्वपुर्ण मन्त्रालयको जिम्मेबारी दिन खोजेको संकेत गरेको छ । केही दिनयता एमाले बृतदेखि सरकारका शुभचिन्तक सुबेच्छुकहरुले पनि गोकुल बाँस्कोटाकै उदहारण दिएर उहाँ जतिकै नेतालाई सरकारमा लैजान सुझाव पनि दिइरहेका छन् । यो सबैका पछाडी सरकारमा एमालेको बलियो उपस्थिती देखाउन सक्ने खुबी बाँस्कोटामा हुनु नै हो । त्यसैले बाँस्कोटालाई मन्त्री बनाउदा देशसँगै एमालेका लागि पनि राम्रो हुने देखिएको छ ।
अर्को कुरा गत संसदीय चुनावमा केपी ओलीपछि दोस्रो लोकप्रिय मत ल्याउने नेता पनि गोकुल बाँस्कोटा हुन । त्यसैले पनि ओलीको टिममा उनी सहभागी हुने एमाले केन्द्रिय नेतृत्वको दावि छ । सरकारमा संघीय समाजवादी फोरम सहभागी हुँदा केही मन्त्रालय घटेपनि बाँस्कोटालाई भने सरकारबाहिर नराख्ने योजना एमाले अध्यक्ष केपी ओलीको रहेको बुझिएको छ । बाँस्कोटालाई मन्त्री बनाउदा लोकप्रिय मतको सम्मान हुनुका साथै नयाँ र पुरानाको समिश्रणले पार्टिलाई जिवन्त दिने हुदाँ प्रतिनिधि सभा सदस्यमा देशभरमै दोश्रो पपुलर मत ल्याउने युवा नेतृत्वलाई अवसर दिइएको सन्देश पनि जाने देखिएको छ । केही दिनअघि मात्रै केन्द्रमा १८ वटामात्रै मन्त्रालय राख्ने निर्णय मन्त्रिपरिषद्ले गरेको थियो । मन्त्रालयको संख्या १८ भएपनि संविधानअनुसार उपप्रधानमन्त्री, मन्त्री, सहायक र राज्यमन्त्री गरी २५ जनासम्म मन्त्री राख्न पाइन्छ।