काठमाडौं, ११ जेठ । भरतपुर महानगरपालिकाको मेयर पदका लागि नेकपा एमालेका उम्मेदवार देवी ज्ञवालीका लागि नेकपा माओवादी केन्द्रकी उम्मेदवार रेणु दाहाल चुनौति बन्न थालेकी छिन् । भित्रभित्रै एमालेले जीत हात पारेको चर्चा चलाइएपनि अब रेणु दाहालले आज दिनभरीमा अग्रता लिनसक्ने भएकी छिन् ।
जारी मतगणनामा नेकपा एमालेका उम्मेदवार देवी ज्ञवालीका लागि नेकपा माओवादी केन्द्रकी उम्मेदवार रेणु दाहाल चुनौति बन्न थालेकी छिन् ।
ठूलो मतान्तरबाट अग्रता लिने कोशिश गरेका देवीसँग रेणुको मतान्तर साँघुरिन थालेको छ । भरतपुरका २५ नम्बर वडाको मतगणना सकिँदा देवीसँग रेणुको मतान्तर साँघुरिएको हो । अब गणना हुने स्थानमा कांग्रेस र माओवादीका मतदाताको संख्या बलियो रहेको दाबी गरिएको छ ।
बुधबार बेलुका सम्म यो मतान्तर थप साँघुरिएर २१ सयमा झरेको मतान्तर अहिलेसम्म १७४९ मा झरेको छ ।
वडा नं २५ को मतगणना गरिसक्दा मेयर पदका प्रत्यासी एमालेका देवी ज्ञवालीले ३०६८२ मत पाएका छन् भने रेणु दाहालले २८९३३ मत पाएकी छिन् । गन्न बाँकी वडा नम्बर १५ देखि २४ सम्ममा कांग्रेस र माओवादीका मतदाताको संख्या बलियो रहेको दाबी गरिएको छ । रेणु कांग्रेस र माओवादीकी संयुक्त मेयर उम्मेदवार हुन् । ‘मतान्तर साँघुरिन थालेको छ । अबको गणनामा रेणु दाहालको अग्रता कायम हुनसक्छ’, स्थानीय माओवादी नेताले भने,‘कम्तिमा ३ हजार बढि मतले जित्ने अपेक्षा हामीले गरेका छौं ।’