२८ चैत, काठमाडौं । भारतले नेपालसामू दुई देशको संयुक्त टोली बनाएर सर्वोच्च शिखर सगरमाथाको उचाइ नाप्ने नयाँ प्रस्ताव अघि सारेको छ ।
सर्बे अफ इण्डियाले माघमा सगरमाथाको उचाई नाप्न टोली पठाउने एकतर्फी घोषणा गरेको थियो । तर, नापी विभागले आफैं उचाइ नाप्ने भन्दै सरकारसँग बजेट माग गरेको छ ।
अब भारतले नेपाल भारतको संयुक्त टोलीले सगरमाथाको उचाई नाप्ने प्रस्ताव पठाएको छ । ‘हामी नेपाल भारत संयुक्त अभियानको योजना बनाएका छौं र कूटनीतिक च्यानलबाट नेपालसामू प्रस्ताव पठाएका छौं’ भारतका विज्ञानमन्त्री हर्षवर्धनले भने ।
उनका अनुसार भारतले दुई टिम पठाउने योजना छ, जसले दुई फरक विधिबाट सगरमाथाको उचाई नाप्नेछ ।
सन् १८५२ मा भारतका गणितशास्त्री राधानाथ सिकडाले सगरमाथाको उचाइ ८ हजार ८ सय ४८ मिटर रहेको त्रिकोणमितीय विधिबाट पत्ता लगाएका थिए । यो चार वर्षपछि आधिकारिक घोषणा गरिएको थियो ।
तर, दुई वर्षअघि आएको भूकम्पपछि सारगमाथाको उचाइ परिर्वतन भएको हुनसक्ने अनुमान गरे, जसले पुनः उचाइ मापन गर्ने बहस सुरु भएको छ ।
भारतले जीपीएस डिभाइस र त्रिकोणमितीय विधिबाट उचाई नाप्ने प्रस्ताव गरेको छ । जीपीएस डिभाइस लिएर एउटा टोली सगरमाथाको आरोहणमा जानेछ भने अर्को टोलीले नेपाल र भारतका सात स्थानबाट त्रिकोणमितीय विधिबाट सगरमाथाको उचाई मापन गर्ने भारतको प्रस्ताव छ ।
सर्वे अफ इण्डियाका प्रमुख स्वर्णसुब्बा रावले दुई देशबीच सहमति भए अब आउने दुई महिनाभित्र सगरमाथाको उचाइ नाप्न सुरु गरिने बताएका छन् ।
कार्तिक ११, काठमाडौँ । गत भदौ १० गते भोटेकोशी र त्रिशूली नदीमा आएको भीषण बाढीमा परी
काठमाडौं, २६ असोज। सर्वोच्च अदालतले गैरकानुनी रूपमा बर्खास्त गरिएका श्रमिकलाई पुनर्बहाली नगर्ने अवस्थामा क्षतिपूर्ति निर्धारण
काठमाडौँ, असोज २४। उपत्यकामा एउटा ब्रान्डको ग्यास सिलिन्डर अर्कोसँग सहजै साट्न नपाएर हैरानी खेपिरहेका उपभोक्ताका
जलवायु परिवर्तनको भारी: नेपालले कुल कार्बन उत्सर्जनमा ०.१ प्रतिशतभन्दा कम योगदान दिए पनि ठूलो मूल्य
असोज ८,काठमाडौं । सर्वोच्च अदालतले राजनीतिक विश्लेषक भरत दाहाललाई थुनामुक्त गर्न परमादेश जारी गरेको छ।दाहालकी
काठमाडौं, असोज ४ । काठमाडौं उपत्यकामा रात्रिकालीन यातायात सेवालाई थप सहज र सुरक्षित बनाउने उद्देश्यले उपत्यकाका
