काठमाडौं, हिन्दु धर्म हो वा होइन भन्ने विषयमा भारतको उच्च अदालतले विषय प्रवेशै नगरि हिन्दु जीवन पद्धति भएको फैसला गर्यो । हिन्दुलाई धर्मकै रुपमा व्याख्या गर्नेहरुले पनि यसलाई संसारको उदार धर्म भनेर तर्क गर्छन ।
यसमा कुनै अनिवार्य र अपरिहार्य फ्रेम छैन । हिन्दु ग्रन्थमा मनु स्मृतिले वर्णाश्रम व्यवस्थालाई वढी जोड दिएको छ । गरुढ पुराण र स्वस्थानीले महिलाहरुलाई होच्याएको आभाष हुन्छ । महाभारत र रामायण लडाई र सत्यको पक्षमा उभिएका शास्त्रहरु हुन् ।
चारवाक लगायत केहि ग्रन्थ उपदेशमुलक आदर्शवादी दर्शनमा आधारित छन् भने गिताले मानिसलाई लोभ,ईष्र्या,डाह र शक्तिको रागबाट विमुख गरि निष्ठामै केन्द्रीत गर्ने कोशिस गर्छ ।बेदभित्र विज्ञान, साहित्य, ब्रह्रमाण्डिय रहस्य, दर्शन, प्रशासन,राज्यसञ्चालनका विधि, पद्धति, आर्थिक ढाँचा लगायतलाई छुने कोशिस गरिएको छ ।
बेद हिन्दु धर्म, जीवन पद्धति, पूर्वीय दर्शन,पूर्वीय सभ्यता अझ भनौं हिन्दुज र इन्डुज सभ्यता एवं सँस्कृतिसंग जोडिएको एक ग्रन्थ हो । पूर्वीय दर्शन, इतिहास,सभ्यता र जीवन पद्धतिको खोज एक महत्वपूर्ण पक्ष होला त्यो अर्को पाटो हो ।
तर मानव समाज सभ्यता र कानुनको जगमा जहाँ उभिएको छ त्यहाँ केहि वाञ्छित र अवाञ्छित आचरणहरु समाज सञ्चालनका मुख्य पहलुभित्र पर्दछन् । संविधान र कानुनका अतिरिक्त सामाजिक संरचनाको सन्तुलन, विकास र रक्षाका लागि आचरणहरु पनि त्यत्तिकै महत्वपूर्ण हुन्छन् ।
धर्म सँस्कार, सँस्कृति र सभ्यता भित्र रहेका केहि अन्धविश्वास, कुरिती, भद्दा र गतिछाडा परम्परागत कुसँस्कार छन भने त्यसलाई परिष्कृत गर्न नसक्ने वा नचाहने मानव समाज फगत निकम्मा समुदाय हो । पशुपतिका दृष्यहरुले त्यहि संकेत गर्छन ।शिवरात्रीको दर्शनमा नांगा बावाहरुको लिंग ढोग्ने हो भने संसारमा यसभन्दा जड, रुढ, हाँस्यास्पद र लजास्पद दृष्य सायद अरु केहि हुनसक्दैन ।
१८ औं शताव्दीमा युरोपमा चर्चभित्र पादरीहरुको यहि मनपरितन्त्रले वेचैन भएका कार्लमाक्र्सले धर्म अफिम हो भन्ने टिप्पणी गरेका थिए पशुपतिका नांगा बावाले लिंगमा घण्ट झुण्ड्याउने र त्यहि ढोग्न लाम लाग्ने महिला पुरुषहरुको हविगत हेर्दा त्यो टिप्पणी नेपालको हकमा पनि सत्यको नजिक छ भन्ने आभाष हुन्छ ।
पशुपतिका नांगा बावाहरुको नग्न प्रदर्शन नेपाली समाज सुहाउँदो हर्कत होइन । या त ति वावाहरु मानसिक रोगी हुन् वा गंभिर नैतिक पतन भएर जेलहाल्न योग्य व्यक्तिहरु हुन् । गाँजाको तालमा समाजको मजाक उडाउने गरि निर्वस्त्र हिड्ने उनीहरुको पशुवत शैलि पशुपतिको मन्दिर र दर्शनार्थिकै लागि मजाकको विषय हो ।
हेर्नुहोस् भिडियो भारतमा कसरी लखेटेका छन् नांगाबाबा भनाउँदा अश्लिल हर्कत गर्दै हिड्ने जोगीलाई
काठमाडौं, २६ असोज। सर्वोच्च अदालतले गैरकानुनी रूपमा बर्खास्त गरिएका श्रमिकलाई पुनर्बहाली नगर्ने अवस्थामा क्षतिपूर्ति निर्धारण
जलवायु परिवर्तनको भारी: नेपालले कुल कार्बन उत्सर्जनमा ०.१ प्रतिशतभन्दा कम योगदान दिए पनि ठूलो मूल्य
काठमाडौं, असोज ४ । काठमाडौं उपत्यकामा रात्रिकालीन यातायात सेवालाई थप सहज र सुरक्षित बनाउने उद्देश्यले उपत्यकाका
काठमाडौं, ३० भदौ । नेपाली सेनासँग मिल्दोजुल्दो पोशाक, दर्ज्यानी चिह्न र सैनिक शैलीको संरचना
-अधिवक्ता तारा निधि पन्त भाद्र २१, काठमाडौं । विवादित ‘ग्रिन आर्मी’ नामक संस्थाको दर्ता खारेज
काठमाडौँ, साउन २९ गते । निजामती तथा सरकारी कर्मचारीले अब वैदेशिक भ्रमणमा जानुअघि प्रधानमन्त्री तथा
