March 29, 2017

आज प्रकाशित पत्रिकाहरुका मुख्य समाचारहरु

१६ चैत, काठमाडौं । बुधबार काठमाडौंबाट प्रकाशित दैनिक पत्रिकाहरुले नेपाली कांग्रेसको केन्द्रीय कार्यसमिति बैठकको निष्कर्षदेखि प्रधानमन्त्रीको चीन भ्रमणसम्बन्धी समीक्षात्मक समाचारलाई फ्रन्टपेजमा स्थान दिएका छन् ।

 

कांग्रेस बैठकले सर्वोच्चद्वारा सरकारमाथि हस्तक्षेप भएको निष्कर्ष निकालेको छ । र, स्थानीय निर्वाचनको उम्मेदवार छनोटको जिम्मा स्थानीयस्तरमा नै दिएको छ । त्यस्तै साताव्यापी चीन भ्रमण सकेर प्रधानमन्त्री पुष्पकमल दाहाल बुधबार स्वदेश फर्कँदै छन् ।

आर्थिक वृद्धिदर ५ दशमलव ५ प्रतिशत प्रक्षेपण गरिएकोलाई मुख्य समाचार बनाएको नयाँ पत्रिका दैनिकले ७ वैशाखभित्र कांग्रेसले उम्मेदवार टुङ्गो लगाउने समाचारलाई प्राथमिकता दिएको छ ।

अन्नपूर्ण पोस्ट् दैनिकले कांग्रेस बैठकले सार्वोच्च अदालतबाट सरकारमाथि हस्तक्षेप भएको निष्कर्ष निकालेको समाचार र नेपाली आमाका सन्तानलाई अंगीकृत नागरिकता दिन गृहमन्त्रालयलाई सार्वोच्च अदालतले परमादेश दिएको समाचारलाई महत्वका साथ छापेको छ ।

चुनावी माहोलले सेयर बजारमा उत्साह बढेकोलाई प्राथमिकता दिएको नागरिक दैनिकले अदालतका कारण सडक चौडा बनाउने अभियान अडि्कएको समाचारलाई फ्रन्टपेजमा छापेको छ ।

अब कक्षा १ मै प्रवेश परीक्षा दिनुपर्नेलाई कान्तिपुर दैनिकले खास महत्व दिएको छ ।

एमाले अध्यक्ष केपी शर्मा ओलीले लेबी शुल्क नबुझाउने कार्यकर्ता उम्मेदवार बन्न नपाउने निर्देशन दिएकोलाई मुख्य समाचार बनाएको राजधानी दैनिकले मधेसी मोर्चालाई मनाउन दुई नम्बर प्रदेशमा स्थानीय तह थप्ने तयारी भएको समाचारलाई प्राथमिकताकासाथ प्रकाशित गरेको छ ।

स्थानीय तहका एकाइ थप्ने सरकारको निर्णयलाई अदालतले बैधानिकता दिएको समाचारलाई गोरखापत्र दैनिकले महत्व दिएर छापेको छ । नेपाल समाचारपत्र दैनिकले पूर्वराजको नातिको भोलि व्रतबन्ध हुने समाचारलाई फ्रन्टपेजमा छापेको छ ।

प्रतिक्रिया दिनुहोस्
सम्बन्धित वर्गका समाचारहरू

रास्वपाको प्रथम महाधिवेशन आजदेखि भरतपुरमा, विद्युतीय मतदानमार्फत नयाँ नेतृत्व चयन हुँदै

भरतपुर, असार ७ । राष्ट्रिय स्वतन्त्र पार्टी (रास्वपा) को प्रथम राष्ट्रिय महाधिवेशन आजदेखि चितवनको भरतपुरमा

मन्त्रालय संख्या १८ मा सीमित

काठमाडौँ, वैशाख ३१ । सरकारले संघीय मन्त्रालयको संख्या २२ बाट घटाएर १८ कायम गर्ने निर्णय

शशिभूषण यादव विरुद्धको सम्पत्ति शुद्धिकरण मुद्दामा अख्तियारद्वारा सर्वोच्चमा पुनरावेदन

काठमाडौँ, वैशाख २५ । अख्तियार दुरूपयोग अनुसन्धान आयोगले गुणस्तर तथा नापतौल कार्यालय वीरगञ्जका तत्कालीन वरिष्ठ

जिफन्टद्वारा काठमाडौंमा मे डे र्याली (फोटो फिचर)

काठमाडौं, १८ वैशाख ।  नेपाल ट्रेड युनियन महासङ्घ (जिफन्ट) ले अन्तर्राष्ट्रिय श्रमिक दिवस (मे डे) का

उच्च पदाधिकारीको सम्पत्ति छानबिन सुरु

काठमाडौँ, वैशाख १७ ।  सार्वजनिक पदमा रहेका तथा सेवा निवृत्त उच्च पदाधिकारीको सम्पत्ति छानबिन गर्न

अष्ट्रेलियामा विमान दुर्घटना हुँदा दुई जनाको मृत्यु ; ११ जना घाइते

क्यानबेरा (अस्ट्रेलिया) १६वैशाख (रासस/एएनआई) : दक्षिण अस्ट्रेलियाको एडिलेडको पाराफिल्ड एयरपोर्टमा अवतरण गर्ने क्रममा विमान दुर्घटना