निर्वाचन मिति घोषणा गरेको सरकारलाई मोर्चाको जवाफ- ११ गते मधेस बन्द

काठमाडौं, १०फागुन । निर्वाचनको मिति घोषणा भएसँगै मधेसी मोर्चाले मधेस बन्दसहित विरोधका कार्यक्रमहरुको घोषणा गरेको छ ।

मोर्चाले भोलि मंगलबार मसाल जुलुस प्रदर्शन गर्ने र ११ गते बुधबार मधेस बन्द गर्ने घोषणा गरेको छ । संविधान संशोधन बिना गरिने निर्वाचन स्वीकार्य नहुने बताउँदै मोर्चाले प्रेस विज्ञप्ति जारी गर्दै विरोधमा उत्रने निर्णय गरेको हो ।

माेर्चाले माअाेवादी केन्द्र र नेपाली कांग्रेसले २०७३ श्रावण १९ अाफूहरुसँग गरेकाे सम्झाैता विपरित संविधान संशाेधनलाई थाँति राखेर निर्वाचन मिति घाेषणा गरेकाे आरोप लगाएको छ । ‘संयुक्त लोकतान्त्रिक मधेशी मोर्चा संसदमा दर्ता गराइएको संविधान संशोधन विधयेकलाई परिमार्जनसहित पारित नहुन्जेल हुने कुनै पनि निर्वाचनमा सहभागी त हुँदैन हुँदैन मधेसमा त्यस्ता निर्वाचन हुन पनि दिँदैन,’ मोर्चाद्वारा जारी विज्ञप्तिमा भनिएको छ ।

यसैगरी विहीबारदेखि मोर्चाले १५ दिनसम्म गाउँगाउँमा भण्डाफोर कार्यक्रम पनि सञ्चालन गर्ने जनाएको छ ।