४ फागुन, रौतहट । रौतहटका तीनवटै नगरपालिका, जिल्ला विकास समिति र जिल्ला स्वास्थ्य कार्यालयका कर्मचारीहरुको आन्दोलनले सेवाग्राहीको बिचल्ली भएको छ । रात्रिबस व्यवसायी संघले समेत सेवा ठप्प पार्दा यात्रुहरु मर्कामा परेका छन् ।
जिल्ला विकास समिति रौतहटका साथै गौर, गरुडा र चन्द्रपुर नगरपालिकाका कर्मचारीहरुले स्थानिय तहमा कर्मचारी व्यवस्थापन र समायोजन गर्दा जिल्ला विकास समिति, नगरपालिका र गाउँ विकास समितिका कार्यालयहरुमा कार्यरत कर्मचारीहरुलाई पहिलो प्राथमिकता दिनुपर्ने माग गरेका छन् । त्यसपछि मात्रै नपुग जनशक्ति निजामती सेवाबाट खटाउनु पर्ने उनीहरुको माग छ । ति कर्मचारीहरुले कामकाज ठप्प पार्दै कार्यालय प्रमुखलाई कार्यकक्षमा प्रवेश गर्न दिएका छैनन् ।
स्थानियसँग प्रत्यक्ष सरोकार राख्ने जिविस, गाविस र नगरपालिकाका कर्मचारी आन्दोलित भएपछि सेवाग्राही मारमा परेका छन् । संविधानतः बन्ने नयाँ संरचनाहरुमा स्थानिय निकायमा कार्यरत सम्पूर्ण कर्मचारीहरुलाई उचित व्यवस्थापनको मागसहित स्थानिय निकाय टे्रड युनियन संयुक्त समन्वय समितिले सोमवारदेखि नै स्थानिय निकायको कामकाज बन्द गरेका हुन् । सरकारले आफूहरुको मांग सम्बोधन नगरेसम्म आन्दोलन जारी रहने उनीहरुको अडान छ ।
हेल्थ असिस्टेन्टको आन्दोलन ३९ औं दिन पनि जारी
यसैगरी जिल्ला स्वास्थ्य कार्यालय रौतहटमा हेल्थ असिस्टेन्टहरुले पनि आन्दोलन आज ३९ औं दिन पनि जारी राखेका छन् । शैक्षिक योग्यताको कदर गर्दै हेल्थ असिस्टेन्टहरुलाई नै स्वास्थ्य चौकीको प्रमुख बनाउनु पर्ने मागसहित उनीहरु आन्दोलित भएका हुन् ।
यता गौर नगरपालिकाले सञ्चालनमा ल्याएको नयाँ बसपार्कमा भन्दा अगाडि नगरक्षेत्र भित्र लामा तथा साना दुरीका यात्रुबाहक बसहरुलाई प्रवेशमा रोक लगाएपछि रात्रिबस व्यवसायी समेत मंगलवारदेखि आन्दोलित भएका छन् ।
यसअघि गौर नगरक्षेत्रबाट सञ्चालनमा रहेको रात्रि तथा दिवा बसहरुलाई गौर नगरपालिका कार्यालयले सोमबारबाट नगरक्षेत्रमा प्रवेश नदिएपछि लामा दुरीका यात्रुहरुलाई सास्ती भएको भन्दै रात्रि बस व्यवसायीहरुले राजधानी काठमाडौंसहित लामा दुरीका सबै यातायातका साधन बन्द गराएका छन् ।
बिहान यात्रुहरुलाई नगरक्षेत्र भित्र पुर्याउन र राति बस चढाउन पनि नगरमा प्रवेश दिनुपर्ने माग यातायात व्यवसायीको छ ।
प्रमुख जिल्ला अधिकारी उद्धव बहादुर थापाले स्थानिय निकायको हकमा स्थानिय विकास मन्त्रालयस्तरबाटै ट्रेड युनियनहरुले कुरा गर्नुपर्ने बताए । उनले बस व्यवसायीहरुसँग भने छलफल गरेर समस्या समाधानको उपाय निकालिने बताए ।
सौर्य एयरलाइन्सकाे जहाज दुर्घटना । काठमाडौँ, साउन ९ गते । काठमाडौँबाट पोखराका लागि उडेको जहाज आज
काठमाडौँ, साउन २ गते। राष्ट्रपति रामचन्द्र पौडेलले वरिष्ठ अधिवक्ता रमेश बडाललाई महान्यायाधिवक्ता नियुक्त गर्नुभएको छ। राष्ट्रपति
असार २३, काठमाडौँ। नेपाल राष्ट्र बैङ्कका गभर्नर महाप्रसाद अधिकारीले युवालाई उत्पादन र उद्यमसँग जोड्न विशेष कार्यक्रम
असार १८ ,मोरङ। नेपाली कांग्रेसका पूर्वउपसभापति विमलेन्द्र निधिले सङ्घीय लोकतान्त्रिक गणतन्त्रात्मक शासन प्रणालीलाई बलियो बनाउन कांग्रेस
असार १८, काठमाडौँ। नेपाल कम्युनिष्ट पार्टी (एमाले) का महासचिव शङ्कर पोखरेलले राजनीतिक स्थायित्वका लागि
टोकियो, असार १३ गते । जापानी वैज्ञानिकले मानव कोषहरूको प्रयोग गरेर जीवित छालाजस्तै देखिने आवरणसहितको रोबोटको