काठमाडौँ – नेकपा एमालेको भातृ संगठन युवासंघमा देखिएको विवादको असर 
एमाले पार्टीभित्रै पुगेको छ । युवासंघमा माधव नेपाल पक्ष र केपी ओलीपक्षबीच पार्टीको विधान कार्यान्वयन गर्ने कि नगर्ने भन्नेमा बिबाद चरम उत्कर्षमा पुगेको छ ।
युवा संघमा रहेका यी दुई गुटबीच विधान र नियमावलीका विषयमा विवाद हुँदा पटकपटक युवासंघको बैठक नै अवरोध हुदै आएको छ ।
युवासंघको विवादको असर एमाले पार्टीमै पर्न थालेको युवा संघका एकजना सचिवालय सदस्यले बताए । ती सदस्यका अनुसार यो विवादले पार्टीमा दुबै पक्षले आ आफ्नो समुहको पक्ष लिने हुँदा विवाद सतहमा आउन थालेको छ ।
१६ महिना अघि युवासंघको अध्यक्ष बनेका राजीव पहारीले आफु अध्यक्ष भएको ६ महिनामा महाधिवेशन गर्ने बचन दिएका थिए । तर, १६ महिनापछि बल्ल केन्द्रीय समितिको बैठक बसाए । बैठक पार्टी अध्यक्ष केपी ओलीले उद्घाटन गदै विचार, विधान र नीति एउटै भएका कारण एमाले र उसका भातृ संगठनमा कुनै विवाद नरहेको जिकिर गरेका थिए । तर युवासंघको कार्यक्रममा अध्यक्ष ओलीले सम्बोधन गरेको केहिबेरमै युवासंघको बैठक नै स्थगित हुन पुगेको थियो ।
संस्थापन पक्षले पार्टीको विधान र नियमावली नमानेकाले पटक पटक बैठक स्थिगित भएको नेपाल पक्षका एक केन्द्रीय सदस्य बताउँछन् । युवा संघको सचिव क्रान्ति बुर्लाकोटीले भनिन् ‘पार्टीले २०७२ सालमा विघटन गरेको अन्तर जिल्ला अहिले आएर व्युताएकाले विवाद सुरु भएको हो । युवा संघ एमालेको भातृ संगठन भएकाले पार्टीको विचार निति निर्देशन मान्नु यसको दायित्व हो तर बहुमत पक्षले पार्टीको विधि र विधान मिचेर गएकाले आफुहरु विपक्षमा लाग्नु परेको हो ।’
युवा संघका कार्यलय सचिव प्रभावत विक्रम कटुवालले युवा संघ एमालेको भातृ संगठन भएपनि छुटै विधान भएकाले आफ्नो विधान अनुसार चल्ने बताए । ‘ युवा संघले पार्टीको विधान नमान्न पनि सक्छ,’ उनको चेतवनी छ ।
ओली समुहले पार्टीको विधान र निति भन्दा पनि युवा संघको विधान र नीति अनुसार युवा संघ चल्ने बताउदै आएको छ । यदि विधान र निति नियम परिबर्तन गर्ने हो भने कि त विधान सम्मेलन कित महाधिवेशन हुनु पर्ने जिकिर ओली पक्षको छ । तर माधव नेपाल समुहको भने पार्टी नै सबैभन्दा ठूलो भएकाले पार्टीले जारी गरेको निति निर्देशन पालना गरेर जानु पर्ने बताउँदै आएका छन् ।
पटक–पटक माधव नेपाल समुहले बहिष्कार गरेर पनि चार दिन म्म चलेको बैठकले आगामि बैशाख ९ गते देखि १२ गतेसम्म विधान सम्मेलन र महाधिवेशन मकवानपुरको हेटौडामा गर्ने निर्णय गरिसकेको छ ।
काठमाडौं, साउन २० गते । नेपाली कांग्रेसले सरकारले मानव अधिकार आयोगबाट भदौ २३–२४ का घटनामा
काठमाडौं, साउन २० । अनशनरत नर्स ज्योति रानाभाट र सरकारबीच १९ बुँदे सहमति भएको छ।
काठमाडौं, १३ साउन। राष्ट्रिय स्वतन्त्र पार्टी (रास्वपा) ले सात सदस्यीय पार्टी सचिवालय गठन गरेको छ।
पेशागत तथा मानवअधिकार संरक्षणका लागि सर्वोच्च अदालतले दिएको निर्देशनात्मक आदेश कार्यान्वयनमा युवा तथा खेलकुद तथा
दुबई, साउन ३ (रासस)। जोर्डनस्थित अमेरिकी सैन्य अड्डामा भएको आक्रमणमा अमेरिकी सैनिकको मृत्यु भएपछि त्यसको
राइडर्स युनियनको प्रश्न– ‘समस्या नीतिमा छ, तीन ट्राफिकमाथिको छानबिनले मात्र समाधान हुँदैन’ काठमाडौं, असार २६
