January 27, 2017

स्थानीय तहबारे छलफल गर्ने सरकारको निर्णय असंवैधानिक – एमालेले

१४ माघ, काठमाडौं । प्रमुख विपक्षी नेकपा एमालेले स्थानीय तह संरचना आयोगको प्रतिवेदनमाथि दलहरुबीच छलफल गर्ने भनी मन्त्धान अनुसार अब पूराना स्थानीय निकाय नरहेको दाबी गर्दै एमालेले संवैधानिक आयोगको सिफारिस कार्यन्वयन गर्नुको विकल्प सरकारसँग नरहेको टिप्पणी गरेको छ ।

मन्त्रिपरिषदको शुक्रबारको बैठकको निर्णयमा प्रतिक्रिया दिदै एमाले नेता तथा पूर्व कानुनमन्त्री अग्नि खरेलले भने, ‘संविधानको धारा ३०३ बमोजिम अब पूराना स्थानीय निकाय कायम रहँदैनन् । संविधानको धारा २९५ बमोजिम गठित आयोगले आफ्नो सिफारिस दिइसकेको अवस्थामा सरकारले परामर्श गर्नुको संवैधानिक अर्थ छैन ।’

स्थानीय निर्वाचनको मिति घोषणाका लागि प्रधानमन्त्रीले शीर्ष नेताहरुसँग छलफल गर्न सक्ने तर, आयोगको प्रतिवेदन कार्यन्वयन गर्नुको विकल्प नहुने खरेलले बताए । ‘तीन जना नेता बसेर आयोगको प्रतिवेदन विपरित कुनै सहमति गरे पनि त्यसको संवैधानिक हैसियत रहन्न’ खरेलले भने ।

संविधानको धारा ३०३ मा यो संविधान प्रारम्भ भएका बखत कायम रहेका स्थानीय निकायहरु स्थानीय तह पुनर्संरचना आयोगले नयाँ तहको क्षेत्र, संख्या र सिमाना निर्धारण नगरेसम्म कायम रहने उल्लेख छ । आयोगले ७१९ स्थानीय तहको क्षेत्र,संख्या र सिमाना निर्धारण गरेर प्रतिवेदन दिइसकेपछि पूराना गाविस र नगरपालिकाहरु स्वतः भंग भएको जिकिर एमालेको छ ।

खरेलले भने, ‘प्रधानमन्त्रीले चुनावको मितिको लागि दलहरुसँग सहमति गर्न सक्छन् । तर, ७१९ तह देहाय बमोजिम हुनेछन् भनेर रिपोर्ट दिइसकेपछि संविधान बमोजिम गठन भएको आयोगले दिएको प्रतिवेदनको विषयमा हुन्छ कि हुँदैन भनेर राय लिन खोज्छन् भने त्यो संवैधानिक हुँदैन ।’

प्रतिक्रिया दिनुहोस्
सम्बन्धित वर्गका समाचारहरू

नगदै दिइने सामाजिक सुरक्षामा पनि कर

फागुन २०, काठमाडौँ । सामाजिक सुरक्षामा बढ्दो वित्तीय दायित्व कम गर्न सरकारले नगदमा उपलब्ध गराइने

झिनो अङ्कले घट्यो नेप्से

फागुन १६, काठमाडौँ । नेपाल स्टक एक्सचेन्ज (नेप्से) परिसूचकमा सामान्य अङ्कको गिरावट देखिएको छ ।

नागरिक पत्रकारले सामाजिक सञ्जालको सही उपयोग गर्नुपर्ने

ललितपुर, फागुन १४ गते । नागरिकमैत्री पत्रकारिताका लागि सामाजिक सञ्जालको भरपुर उपयोग गरिनुपर्नेमा सरोकारवालाले जोड दिएका

यसरी परे दुई न्यायाधीश बर्खास्तीमा

 फागुन १४, काठमाडौँ। न्याय परिषद्ले उच्च अदालतका न्यायाधीश डा. नवराज थपलिया र अम्बिकाप्रसाद निरौलालाई बर्खास्त

कब्जा गरेको जग्गाको विवरण पठाउन गृहको निर्देशन

 फागुन १०,काठमाडौं। सरकारले देशभर अतिक्रमण गरेको सरकारी तथा सार्वजनिक जग्गाको विस्तृत विवरण पठाउन ७७ वटै

आजदेखि एमाले केन्द्रीय कमिटी बैठक

फागुन ८, काठमाडौँ । समसामयिक राजनीतिक परिस्थितिबारे छलफल गर्न नेकपा (एमाले)को केन्द्रीय कमिटीको सातौँ पूर्ण बैठक