क्याम्पस प्रमुख नियुक्त नहुँदा दैनिक कामकाज ठप्प

1012639_501320583273653_307564442_n_5885c1cab2१७ भदाै, काठमाडौँ । भोजपुर जिल्लामा रहेको त्रिभुवन विश्वविद्यालयको एक मात्र आँगिक क्याम्पस भोजपुर बहुमुखी क्याम्पसमा क्याम्पस प्रमुख नियुक्त नहुँदा दैनिक कामकाज ठप्प भएको छ ।

क्याम्पस प्रमुखको पद रिक्त भएको कारण आर्थिक कारोवार ठप्प भई दैनिक कामकाजमा समेत समस्या परेको क्याम्पसका सूचना अधिकारी नोदनाथ त्रितालले बताए । अहिले स्नातक तहको परीक्षा सञ्चालन भइरहेको अवस्थामा दैनिक प्रशासनीक र आर्थिक काम कारवाहीको समेत सञ्चालनमा समस्या उत्पन्न भएको भन्दै तत्काल क्याम्पस प्रमुखको व्यवस्था गर्न उपकुलपतिलाई माग गरिएको सहायक क्याम्पस प्रमुख प्रकाश राईले बताए ।

तत्कालीन क्याम्पस प्रमुख हेमन्त राईले गत बैशाख २६ गते चार वर्षे कार्यकाल पुरा गरेसंगै क्याम्पस प्रमुखको पद रिक्त भएको हो । त्रिवि कार्यकारी परिषद्ले गत जेष्ठ २ गतेदेखि तीन महिने कार्यकालको लागि निमित्त क्याम्पस प्रमुखको रुपमा शिक्षक निमा शेर्पालाई नियुक्त गरेकोमा उहाँको समेत गत भाद्र २ गते कार्यकाल समाप्त भएपछि दुई सातादेखि क्याम्पस नेतृत्व विहिन बन्न  पुगेको हो ।

त्रिभुवन विश्वविद्यालय स्वायत्त निकाय भएकोले विश्वविद्यालयको संगठन तथा शैक्षिक प्रशासन सम्बन्धी नियम २०५० को परिच्छेद ५२ को नियम १८५ मा शैक्षिक, आर्थिक तथा प्रशासनीक कार्य सञ्चालनको लागि हरेक आँगिक क्याम्पसमा पुरा समय काम गर्ने पदाधिकारीको रुपमा क्याम्पस प्रमुख रहने व्यवस्था छ ।

क्याम्पस प्रमुख नियुक्तिको लागि शिक्षाध्यक्षको सिफारिसमा शैक्षिक विशिष्टता प्राप्त गरेका वरिष्ठ शिक्षकहरुमध्येबाट कार्यकारी परिषद्ले क्याम्पस प्रमुख नियुक्त गर्ने भन्ने उल्लेख गरिएको छ । त्रिभुवन विश्वविद्यालयमा क्याम्पस प्रमुखहरु राजनीतिक भागबण्डाका आधारमा नियुक्त हुने हुँदा भोजपुर बहुमुखी क्याम्पसमा पनि क्याम्पस प्रमुख नियुक्तिमा ढिलाइृ भई रहेको बताइएको छ ।

प्रतिक्रिया दिनुहोस्
सम्बन्धित वर्गका समाचारहरू

झिनो अङ्कले घट्यो नेप्से

फागुन १६, काठमाडौँ । नेपाल स्टक एक्सचेन्ज (नेप्से) परिसूचकमा सामान्य अङ्कको गिरावट देखिएको छ ।

नागरिक पत्रकारले सामाजिक सञ्जालको सही उपयोग गर्नुपर्ने

ललितपुर, फागुन १४ गते । नागरिकमैत्री पत्रकारिताका लागि सामाजिक सञ्जालको भरपुर उपयोग गरिनुपर्नेमा सरोकारवालाले जोड दिएका

यसरी परे दुई न्यायाधीश बर्खास्तीमा

 फागुन १४, काठमाडौँ। न्याय परिषद्ले उच्च अदालतका न्यायाधीश डा. नवराज थपलिया र अम्बिकाप्रसाद निरौलालाई बर्खास्त

कब्जा गरेको जग्गाको विवरण पठाउन गृहको निर्देशन

 फागुन १०,काठमाडौं। सरकारले देशभर अतिक्रमण गरेको सरकारी तथा सार्वजनिक जग्गाको विस्तृत विवरण पठाउन ७७ वटै

आजदेखि एमाले केन्द्रीय कमिटी बैठक

फागुन ८, काठमाडौँ । समसामयिक राजनीतिक परिस्थितिबारे छलफल गर्न नेकपा (एमाले)को केन्द्रीय कमिटीको सातौँ पूर्ण बैठक

मानव अधिकार उल्लङ्घनमा नौ हजार ३८८ पीडित

 फागुन ७,काठमाडौं। सन् २०२३ मा मानव अधिकार उल्लङ्घन तथा ज्यादतीको घटनामा नौ हजार ३८८ जना पीडित