घर वनाउनलाई दिने भनिएको पहिलो किस्ताकाे रकम सरकारले धमाधम वितरण गर्दै

१२ , काठमाडौं ।
सरकारले एकै दिन २७ हजार भूकम्प प्रभावितलाई सरकारले निजी घर वनाउनलाई दिने भनिएको पहिलो किस्ताको रकम वितरण गरेको छ ।

सरकारले दिने भनेको अनुदान स सम्झौता भए पनि अनुदान नपाएको भन्दै भूकम्प प्रभावितले गुनासो गरिरहेको वेला शुक्रवार सरकारले २७ हजार प्रभावितलाई ठुलो संख्यामा पहिलो किस्ताको रकम वितरण गरेको हो ।

भूकम्पबाट अतिप्रभावित ११ जिल्लाका ५ लाख ३३ हजार प्रभावितलाई अनुदान दिनुपर्नेमा हालसम्म ३ लाख ८७ हजारसँग सम्झौता भैसकेको छ ।

स्थानीय विकास मन्त्रालयका अनुसार बिहीबारसम्म १ लाख ३६ हजार प्रभावितलाई पहिलो किस्ताको रकम वितरण गरिएकोमा शुक्रबार १ लाख ६३ हजार पुगेको जनाएको छ ।

पुष्पकमल दाहाल प्रधानमन्त्री बन्ने बित्तिक्कै ४५ दिनभित्र सबै प्रभावितलाई सरकारले घोषणा गरेको अनुदान उपलब्ध गराउन निर्देशन दिएपछि राष्ट्रिय पुनर्निर्माण प्राधिकरणले विशेष अभियान सुरु गरेको हो ।

प्रधानमन्त्रीको निर्देशनअनुसार अबको एक महिनाभित्र सबै भूकम्प प्रभावितलाई अनुदान सम्झौता सकेर पहिलो किस्ताको रकम वितरण गरिसक्नुु पर्ने भएको छ । भूकम्पबाट अतिप्रभावित ११ जिल्लाका ५ लाख ३३ हजार प्रभावितलाई अनुदान दिनुपर्नेमा हालसम्म ३ लाख ८७ हजारसँग सम्झौता भैसकेको छ ।