२१ पुस,काठमाडौं । राष्ट्रिय स्वतन्त्र पार्टी (रास्वपा) ले एकता प्रक्रियामा जोडिएका विवेकशील साझा र काठमाडौं महानगरपालिकाका प्रमुख बालेन शाह समूहका ३३ जनालाई केन्द्रीय समिति सदस्यमा मनोनीत गरेको छ। आइतबार केन्द्रीय कार्यालय वनस्थलीमा बसेको केन्द्रीय समिति बैठकले बालेन पक्षबाट २६ जना र विवेकशील साझाबाट ७ जना केन्द्रीय सदस्य मनोनीत गरेको हो।
बालेन पक्षबाट वरिष्ठ नेताको जिम्मेवारी बालेन शाह आफैंले पाएका छन्। महामन्त्रीमा इन्जिनियर सुनिल लम्साल र सहमहामन्त्रीमा भूपदेव शाह चयन भएका छन्। लम्साल बालेनका पूर्वाधार सल्लाहकार तथा शाह स्वकीय सचिव हुन्।
यद्यपि, उज्यालो नेपाल पार्टी (उनेपा) को तर्फबाट भने हालसम्म केन्द्रीय समिति सदस्य मनोनीत हुन सकेका छैनन्। उनेपाले एक वरिष्ठ उपसभापति, एक सहमहामन्त्री, एक सहप्रवक्ता सहित २१ जना केन्द्रीय सदस्य पाउने सहमति भएको र ती पदका लागि नाम टुंग्याउन आन्तरिक छलफल जारी रहेको पार्टी नेताहरूले बताएका छन्। उनका अनुसार आज बेलुकासम्म अन्तिम सूची बुझाइनेछ।
उनेपाबाट वरिष्ठ उपसभापतिमा ऊर्जा मन्त्रीसमेत रहेका संरक्षक कुलमान घिसिङ, सहमहामन्त्रीमा जितराम लामा र सहप्रवक्तामा डा. राजु थापाको सम्भावना रहेको छ। डा. थापा साविक उनेपाका प्रवक्ता हुन्।
पुस १४ गते रास्वपा र उनेपाबीच सात बुँदे एकता सहमतिमा हस्ताक्षर भएको थियो। तर निर्वाचन आयोगमा बुझाइएको समानुपातिक उम्मेदवारको बन्दसूची, नेताहरूको व्यवस्थापन तथा सङ्घीयता र गणतन्त्रसम्बन्धी वैचारिक स्पष्टताका विषयमा उनेपाले असन्तुष्टि जनाएको थियो। शनिबार र आइतबार दुई पक्षबीच वैचारिक तथा सैद्धान्तिक विषयमा सहमति जुटेपछि विवाद समाधान भएको नेताहरूले बताएका छन्।
एकताअघि रास्वपामा एक सभापति, दुई उपसभापति, एक महामन्त्री, तीन सहमहामन्त्री, एक कोषाध्यक्ष, एक प्रवक्ता र दुई सहप्रवक्ता थिए। तीन पक्षबीचको एकतालाई व्यवस्थापन गर्न केन्द्रीय समिति बैठकले उपसभापति, महामन्त्री, सहमहामन्त्री र सहप्रवक्ता एक–एक पद थप्ने निर्णय गरेको हो।
रास्वपाको विधानअनुसार १२२ सदस्यीय केन्द्रीय समिति रहने व्यवस्था छ। हाल पार्टीमा ५२ जना केन्द्रीय सदस्य छन् भने सातै प्रदेशका सभापति पदेन सदस्य रहने व्यवस्था छ।
साविक रास्वपाबाट सभापतिमा रवि लामिछाने, उपसभापतिमा डीपी अर्याल र डा. स्वर्णिम वाग्ले, महामन्त्रीमा कवीन्द्र बुर्लाकोटी, सहमहामन्त्रीमा विपिन कुमार आचार्य, कोषाध्यक्षमा लिमा अधिकारी र प्रवक्तामा मनिष झा रहेका छन्।
चितवन, असार १० । राष्ट्रिय स्वतन्त्र पार्टी (रास्वपा) ले नेपालको शासकीय संरचना, राजनीतिक प्रणाली र
असार ९,चितवन । राष्ट्रिय स्वतन्त्र पार्टी (रास्वपा)ले आफ्नो पहिलो महाधिवेशनअन्तर्गत नेतृत्व चयन प्रक्रियालाई थप व्यवस्थित,
भरतपुर, असार ७ । राष्ट्रिय स्वतन्त्र पार्टी (रास्वपा) को प्रथम राष्ट्रिय महाधिवेशन आजदेखि चितवनको भरतपुरमा
काठमाडौँ, जेठ ११ । संविधान संशोधन बहसपत्र तयार गर्ने कार्यदलले शासकीय स्वरूप, निर्वाचन प्रणालीसहितका आठ
जेठ ६,काठमाडौँ । सञ्चार तथा सूचना प्रविधिमन्त्री डा. बिक्रम तिमिल्सिनाले सरकारले प्रेसलाई नियन्त्रण वा
काठमाडौँ, वैशाख ३१ । सरकारले संघीय मन्त्रालयको संख्या २२ बाट घटाएर १८ कायम गर्ने निर्णय
