काङ्ग्रेसले यो पाली सस्तो लोकप्रियतालाई स्थान दिदैन: बिस्व प्रकाश

काठमाडौँ, भदौ २५ गते । नेपाली कांग्रेसका महामन्त्री विश्वप्रकाश शर्माले प्रतिनिधि सभा र प्रदेश सभा निर्वाचन लक्षित पार्टीको घोषणापत्रमा सस्तो लोकप्रियताको भ्रमलाई स्थान नदिने बताउनुभएको छ। 

सुन्दरीजलस्थित बीपी सङ्ग्रहालयमा कांग्रेसका संस्थापक एवं प्रथम जननिर्वाचित प्रधानमन्त्री बीपी कोइरालाको १०९औँ जन्मजयन्तीका अवसरमा आयोजित कार्यक्रमलाई सम्बोधन गर्दै महामन्त्री शर्माले जिम्मेवार सोच एवं भरोसा गर्न सकिने सङ्कल्प र अठोटलाई प्राथमिकता दिएर घोषणापत्र तयार गरिने बताउनुभयो। उहाँले भन्नुभयो, “घेरो मात्र बाँकी रहेको टोपी लगाएका नागरिकदेखि फाटेको धोती लगाएका नागरिकसम्मको भावना घोषणापत्रले समेट्नेछ।”

उहाँले जननायक बीपीले परिकल्पना गर्नुभएको नेपाल र आजको नेपाली युवाको भावनालाई एकाकार गरेर व्यक्ति वा दलको मात्र नभई कांग्रेसको घोषणापत्रले देशको सपनालाई प्रकाश पार्ने प्रयत्न गर्ने बताउनुभयो। 

उहाँले त्यसो गरिरहँदा पचास लाखभन्दा बढीको सङ्ख्यामा विदेशमा रहेको ‘नेपाल बाहिरको नेपाल’को भावनालाई समेट्ने विश्वास व्यक्त गर्नुभयो।

महामन्त्री शर्माले भारत र चीन दुवै छिमेकी मित्र राष्ट्रको बढ्दो आर्थिक उचाइबाट लाभान्वित हुँदै छिमेकीको आर्थिक गति सँगसँगै अघि बढ्ने दृष्टि, सङ्कल्प र सुस्पष्ट योजना घोषणापत्रमार्फत ल्याउने बताउनुभयो। उहाँले भन्नुभयो, “पार्टीको स्थापनाकालमा संस्थापक बीपी कोइरालाले लेख्नुभएको दस्तावेज, २०१५ को घोषणापत्रलगायत पछिल्लो अवधिसम्मका दस्तावेजको गहिरो अध्ययन अबको घोषणापत्र निर्माण क्रममा गरिनेछ।” 

उहाँले कांग्रेसको ऐतिहासिक निरन्तरतालाई अब नवीनतामा लैजाने संकल्प घोषणापत्रमार्फत उद्घोष गर्ने बताउँदै अहिलेसम्म हासिल उपलब्धि र कमजोरी पहिचान गरी बदलिएको समयको अपेक्षाको जगमा व्यावहारिक घोषणापत्र निर्माण गर्ने जानकारी दिनुभयो।

महामन्त्री शर्माले शासन प्रणाली सही भएर पनि नागरिकलाई व्यापक विश्वासमा लिन भइरहेका कमजोरीको पहिचान गरेर, राष्ट्र निर्माणको महाअभियानमा म र मेरा लागि तर समग्रमा देशका लागि भन्ने युवा भावनाको लहर घोषणापत्रको अन्तरवस्तुमा समाहित गरिने बताउनुभयो।

   

प्रतिक्रिया दिनुहोस्
सम्बन्धित वर्गका समाचारहरू

राष्ट्रपतिबाट आह्वान लगत्तै ओलीलाई प्रधानमन्त्रीमा दाबी गर्ने कांग्रेस-एमालेको तयारी

असार २८, काठमाडौँ। प्रतिनिधिसभामा प्रधानमन्त्री पुष्पकमल दाहाल ‘प्रचण्ड’ले विश्वासको मत नपाएपछि राष्ट्रपति रामचन्द्र पौडेलबाट नयाँ सरकार

कांग्रेस बैठकले गरेका चार निर्णय

 असार १९,काठमाडौँ । नेपाली कांग्रेस केन्द्रीय कार्यसम्पादन समितिको बैठकले नेकपा (एमाले) सँग नयाँ सत्ता सहकार्यको

कांग्रेस-एमाले सहमतिमा के छ ? 

पीपल नेपाल संबाददाता बिजय प्याकुरेल असार १८, काठमाडौं । माओवादी केन्द्रका अध्यक्ष पुष्पकमल दाहाल प्रचण्ड

ओलीको नेतृत्वमा राष्ट्रिय सहमतिको सरकार : शङ्कर पोखरेल

  असार १८, काठमाडौँ। नेपाल कम्युनिष्ट पार्टी (एमाले) का महासचिव शङ्कर पोखरेलले राजनीतिक स्थायित्वका लागि

फणीन्द्र माथिको कारबाही  कार्यान्वयन नगर्न सर्वोच्चको आदेश

 असार १०.काठमाडौँ। सर्वोच्च अदालतले गण्डकी प्रदेशका निलम्बित सांसद फणीन्द्र देवकोटाको पक्षमा अन्तरिम आदेश जारी गरेको

संवैधानिक परिषद् विधेयकसम्बन्धी राज्यव्यवस्था समितिको प्रतिवेदन प्रतिनिधि सभामा पेश

काठमाडौँ, जेठ २१ गते । प्रतिनिधि सभा बैठकमा संवैधानिक परिषद् (काम, कर्तव्य, अधिकार र कार्यविधि सम्बन्धी