बालेन साहको मिसन: गोप्य तर आकस्मिक रूपमा अबैध सम्रचना भत्काउने

काठमाडौँ, ९ भदौ ।  काठमाडौँ महानगरपालिकामा स्वीकृत गराएको नक्सा बमोजिम नबनाएको व्यावसायिक प्रयोजनका भवनहरु  भत्काउन थालिएको छ । पहिलो दिन बानेश्वर क्षेत्रबाट शुरू गरेको अभियान हिजो काठमाडौं मल, आरबी कम्प्लेक्स र दरबारमार्गस्थित लन्डन पत्र हाउसमा पुगेको छ ।

कामपाका प्रमुख बालेन्द्र साह, उपत्यका ट्राफिक प्रहरी प्रमुख मीरा चौधरी र वडाध्यक्ष, कामपा प्रहरी प्रमुख राजनाथ पाण्डेसहितको टोली बिहानै सुन्धारास्थित काठामाडौंमल पुगेको थियो । मेयर साहले गोप्य तालिका तयार गरी अवैध संरचना भत्काउन थालेका छन् । ३५ दिनअघि दिएको सूचनालाई बेवास्ता गरी बेसमेन्टमा व्यवसाय सञ्चालन गरेपछि महानगरले काठमाडौं मलको दुईतले बेसमेन्ट भत्काएको हो । महानगरले डोजर, क्रेनसहित सामग्री लिएर संरचना भत्काउन पुगेका थियो ।

कामपा प्रमुख साहका अनुसार  सूचनालाई अटेर गरी मनपरी रूपमा संरचना निर्माण गरेपछि भत्काउन बाध्य  भएको  बताए । डबल पार्किड स्पेसलाई व्यवसाय सञ्चालन गरेकाले पनि भत्काएका हो, कामपा प्रहरी प्रमुख पाण्डेले भने । काठमाडौं मलको संरचना भत्काएपछि सो टोली खिचापोखरीस्थित आरबी कम्प्लेक्स पुगेको थियो । यो अभियानलाई अब निरन्तर तर आकस्मिक रुपमा सम्पन्न गर्ने मनस्थितिमा बालेन रहेको बुझिएको छ।