March 7, 2022

महाभियोग सिफारिस समितिमा बस्दैमा संसद्को विरोध हट्दैनः विशाल भट्टराई

काठमाडौं, २३ फागुन । नेकपा एमालेका नेता विशाल भट्टराईले प्रधानन्यायाधीश चोलेन्द्रशमशेर राणाविरुद्धको महाभियोग प्रस्ताव सम्बन्धमा बनेको सिफारिस समितिमा आफ्नो पार्टीका सांसदको सहभागिता स्वाभाविक भएको बताएका छन् ।

नेपाली रेडियो नेटवर्क (एनआरएन) को कार्यक्रम ‘नेपाली बहस’का लागि पत्रकार ऋषि धमलासँग कुरा गर्दै नेता भट्टराईले भने, “हामीले संसद्को कारबाहीको विरोध गरे पनि संसदीय समितिमा निरन्तर सहभागी भइरहेकै छौं । सभामुखले महाभियोग सिफारिस समितिका सदस्यको नाम पढेर सुनाउनु पहिलेकै संसदीय समितिमा सहभागिताको निरन्तरता हो ।”
प्रतिनिधिसभामा दुई तिहाइ बहुमत नभईकन ल्याइएको महाभियोग प्रस्तावमा गठबन्धनको षडयन्त्र लुकेको उनको आरोप छ । प्रतिनिधिसभामा एमालेका प्रमुख सचेतक समेत रहेका भट्टराईले थपे, “गठबन्धनले न्यायालयलाई गिजोल्ने काम गर्यो । प्रतिनिधिसभामा एमाले ९८ सिट भएको ठूलो पार्टी हो । तर हामीसँग कुनै छलफल नगरी छापामार शैलीमा आयो । गठबन्धनसँग दुई तिहाइ नभईकन महाभियोग आएकाले यो न्यायालयलाई सत्ताको प्रतिछाया बनाउने षडयन्त्र अनुरुप आएको हो । त्यसलाई चिर्नका लागि हामीले पार्टीका हेभिवेट नेताहरु पठाएका छौं ।”
महाभियोग सिफारिस समितिमा बस्दामा संसद्मा रहेको विरोध नटह्ने पनि भट्टराईले दाबी गरे । उनले भने, “एमालेले जे विषय राखेर विरोध गरेको हो, त्यो असहमति यथावत् छ । सभामुखसँगको विरोध उही हो । गठबन्धनसँग एमालेको आन्तरिक र बाह्य कुनै पनि सम्झौता भएको छैन । कम्युनिस्ट खोल ओढेका दुइटा पार्टी शेरबहादुर देउवा र केपी ओलीको फोटो देखेर आतंकित भएका मात्र हुन् ।”
उनले अहिले प्रतिनिधिसभाको चुनाव अगाडि ल्याउन र स्थानीय निर्वाचन पर धकेल्न नमिल्ने बताए । उनले थपे, “केपी ओलीले हिजो ताजा निर्वाचनमा जाऊँ भन्दाखेरि छातीमा हामी यहाँ छौं भन्ने पर्चा टाँसेर सडकमा बसेको होइन ? यो प्रतिगमन हो, लोकतन्त्र र संविधान सकियो भनेको होइन ? माधव नेपालले भनेको कुरालाई महत्त्व दिनु आवश्यक छैन । अहिलेको अवस्थामा न संघीय संसद्को चुनावअगाडि ल्याउन मिल्छ, न त स्थानीय तहको चुनाव पर लान मिल्छ ।”

प्रतिक्रिया दिनुहोस्
सम्बन्धित वर्गका समाचारहरू

पुष्पकमल दाहाल ‘प्रचण्ड’लाई १५७ विश्वासको मत प्राप्त

जेठ ७, काठमाडौँ । प्रधानमन्त्री पुष्पकमल दाहाल ‘प्रचण्ड’ ले प्रतिनिधि सभा बैठकबाट विश्वासको मत प्राप्त

मदनले मोडेको कम्युनिस्ट बाटो

३ जेठ २०८१। नेपाली प्रजातान्त्रिक आन्दोलनमा कोरिएको एउटा सशक्त हस्ताक्षर हो, मदन भण्डारी । निकै

क्रिकेटर सन्दीप लामिछानेले पाए सफाइ

 जेठ २, काठमाडौँ। क्रिकेटर सन्दीप लामिछानेले बलात्कार मुद्दामा सफाइ पाउनुभएको छ । उच्च अदालत पाटनले बुधबार

यस वर्षको नीति तथा कार्यक्रममा योग र ध्यान विशेष प्राथमिकतामा: उपप्रधानमन्त्री श्रेष्ठ

 वैशाख ३१, काठमाडौँ । उपप्रधान एवम् परराष्ट्रमन्त्री नारायणकाजी श्रेष्ठले रोगको उपचारमा भन्दा रोकथाममा केन्द्रित हुनुपर्ने

एमाले मधेश सरकारबाट बाहिरियो

 वैशाख ३०, काठमाडौं। नेकपा (एमाले)ले मधेश सरकारलाई दिएको समर्थन फिर्ता लिएको छ। आइतबार मधेश प्रदेशको

हिक्मतकुमार कार्की कोशीको मुख्यमन्त्रीमा नियुक्त

वैशाख २७, विराटनगर। कोशी प्रदेशको मुख्यमन्त्रीमा नेकपा (एमाले) संसदीय दलका नेता हिक्मतकुमार कार्की नियुक्त हुनुभएको