काठमाडौँ, २२ मंसिर । नेकपा (एमाले)को केन्द्रीय कमिटी बैठक यही मंसिर २५ र २६ गते बस्दै छ ।
सचिव पद्मा अर्यालका अनुसार बैठक भक्तपुरस्थित जर्मन हाउस पार्टी प्यालेसमा बिहान ११ बजेदेखि सुरु हुनेछ ।
बैठकको मिति यसअघि नै तय भइसके पनि स्थान भने आज पार्टी केन्द्रीय कार्यालय थापाथलीमा बसेको महासचिव तथा सचिवहरूको बैठकले तय गरेको हो ।
एमालेको १०औँ राष्ट्रिय महाधिवेशनबाट निर्वाचित केन्द्रीय कमिटीको दोस्रो बैठक बस्न लागेको हो । पहिलो बैठक भने नवनिर्वाचित पदाधिकारीहरूले शपथग्रहण गरेलगत्तै मंसिर १४ गते सौराहामा बसेको थियो ।
केन्द्रीय कमिटीको आकार ३०१ बनाइएसँगै स्थान अभाव हुने भएकाले बैठक गठ्ठाघरमा रहेको जर्मन हाउसमा बस्न लागेको बताइएको छ ।
