सोमबारदेखि भारी हिमपात हुँदा स्थानीयको जनजीवन कष्टकर बनेको मनाङ ङिस्याङ गाउँपालिका–९ का वडा सदस्य चोल्पा गुरुङले जानकारी दिए ।
केही दिनअगाडि खोला जमेर खानेपानीको अभाव झेल्दै आएका यहाँका मानिसलाई हिमपातले घरभित्रै थन्काएको छ । मानिस त जसोतसो घरभित्र रहे पनि पशुचौपाय हिमपातको सिकार भएका पशुपालक गुरुङले बताए ।
हिमपातले विकास निर्माणका कामहरु पनि ठप्प भएका छन् । बर्खामा बाढीपहिरो र हिउँदमा हिमपातका कारण विकास निर्माणले गति लिन नसकेको पूर्वाधार विकास मनाङका प्रमुख नवीनचन्द्र अधिकारीले बताए ।
हिमपात कारण खेतीबाली सप्रने भए पनि जनजीवन प्रभावित भएको छ । कोरोना महामारीमा जिल्लाभित्र रहेका मनाङबासी हिमपातको असर थेग्न बाध्य भएका छन् ।
