केन्द्रीय अनुसन्धान ब्यूरोका अनुसार पूर्व कार्यकारी अध्यक्ष न्यौपानेविरूद्ध बेरुजुसहितको बिगो २३ करोड १० लाख २३ हजार ४ सय ४३ माग गरिएको छ । पूर्व कार्यकारी अध्यक्ष न्यौपानेविरूद्ध कात्तिक २४ गते जिल्ला अदालत काठमाडौंमा ठगी मुद्दा दायर गरिएको छ, जहाँ उनीसहित पाँच जनालाई प्रतिवादी बनाइएको ब्यूरोले जनाएको छ ।
उक्त मुद्दामा ललितपुर महानगरपालिका–९ का सूर्यबहादुर केसी, वडा नम्बर ४ जावलाखेलका रामरत्न उपाध्याय, काठमाडौं–४ विशालनगरका उपेन्द्र गौतम र बालुवाटारका लवराज भट्टराई प्रतिवादी रहेका छन् ।
आयुक्त पाठकलाई ७० लाख घुस दिएको बिगोमा भट्टराईलाई प्रहरीले नियन्त्रणमा लिएको थियो । उनलाई अख्तियारले ७८ लाख धरौटी लिएर छोडेको थियो ।
यसै घुस प्रकरणपछि अख्तियार दुरूपयोग अनुसन्धान आयोगका आयुक्त राजनारायण पाठकले राजीनामा दिएका थिए ।
