September 25, 2020

मन्त्री, मुख्यमन्त्री र प्रदेश प्रमुखहरूलाई जिम क्लब, स्वीमिङ पुललगायतकाे सुविधा

‘३५ प्रतिशत काम सम्पन्न भएको छ । एघार महिनाअघि शुरू गरेको काम लकडाउनका कारण ढिलो भयो’, शहरी विकास तथा भवन निर्माण विभागका सिनियर डिभिजन इन्जिनियर एवं साइट इन्चार्ज प्रमोदकृष्ण कर्माचार्यले जानकारी दिनुभयो– ‘लकडाउन खुकुलो भएपछि अहिले धमाधम काम भइरहेको छ ।’

सरकारले २०७५ मंसिर २१ गतेको मन्त्रिपरिषद्को निर्णयानुसार ललितपुर महानगरपालिका–१८ भैंसेपाटीको १ सय ४९ रोपनी जग्गामा राष्ट्रिय सभाका अध्यक्ष, उपाध्यक्ष, उपसभामुख, मन्त्री, मुख्यमन्त्री, प्रदेशप्रमुखको निवास निर्माण गर्ने निर्णय गरेको थियो ।

‘सोही निर्णयको आधारमा ११ महिनाअघि परियोजनाअन्तर्गत निर्माण शुरू गरिको हो।’ –सिनियर डिभिजन इन्जिनियर कर्माचार्यले भन्नुभयो । उहाँका अनुसार परियोजना करिब ९६ रोपनी क्षेत्रफलमा २४ मन्त्री र २७ रोपनी क्षेत्रफलमा मुख्यमन्त्री र प्रदेशप्रमुखको निवास निर्माण भइरहेको छ ।

‘सम्झौताअनुसार दुई वर्षमा सक्ने योजना थियो, लकडाउनमा पनि स्थानीय कामदारको सहयोगमा काम जारी राख्ने प्रयास ग¥यौं । तोकिएकै समयमा निर्माण पूरा हुने अपेक्षा गरेका छौं’, सिनियर डिभिजन इन्जिनियर कर्माचार्यले भन्नुभयो– ‘लकडाउन हटेपछि हाल तराईबाट कामदार ल्याएर काम भइरहेको छ ।’

मन्त्रीनिवासको ठेक्का सिको हनुमान र मुख्यमन्त्री र प्रदेश प्रमुखको निवासको ठेक्का केसी समानान्तरले पाएका छन् । करिब १ अर्ब ३ करोड लागतमा मन्त्री निवास र ६७ करोड लागतमा मुख्यमन्त्री र प्रदेश प्रमुखको निवास निर्माण ठेक्का दिइएको छ । प्रदेशका मुख्यमन्त्री र प्रदेश प्रमुख एउटै डुप्लेक्स भवनमा बस्नेछन् ।

प्रदेश प्रमुख र मुख्यमन्त्रीको भवन एउटै भए पनि निकास भिन्न हुनेछ । सातै प्रदेशका मुख्यमन्त्री र प्रदेश प्रमुख राजधानी आउँदा सोही भवनमा बस्नेछन् । मन्त्रीका लागि छुट्टाछुट्टै भवन हुनेछन् । दुई संरचनाको प्रवेशद्वार फरक हुनेछ । मुख्य सडकको दुई भागमा दुई संरचना तयार भइरहेको छ । भवन तयार भएपछि सभामुख र प्रधानमन्त्री बालुवाटारमा र मन्त्रीहरू भैंसेपाटीमा बस्नेछन् ।

सिनियर डिभिजन इन्जिनियर एवं साइट इन्चार्ज कर्माचार्यका अनुसार मुख्यमन्त्री र प्रदेश प्रमुखको भवनमध्ये दुईवटा दुईतले एउटाको डीपीसी र दुईवटाको जग खन्ने काम भइरहेको छ ।

मन्त्री निवास पनि साढे २ तला बनिसकेको छ भने कुनै डीपीसीको काम भइरहेको छ । पहिलो चरणअन्तर्गत स्थानीयको मागको सम्बोधन गर्न बाटो फराकिलो र केही विकासका काम गर्ने तयारी भइरहेको छ ।

दोस्रो चरणमा नेपाली सेनाको बटालियन, कार्यालय र अन्य केही भवन र हेलिप्याड निर्माण गर्ने योजना रहेको छ। परियोजना कार्यालयका अनुसार दुवै परियोजना एकैसाथ पूरा गरेर हस्तान्तरण गर्ने तयारी भइरहेको छ । सुविधा सम्पन्न भवन परिसरमा सामुदायिक भवन, खेल मैदान, जिम क्लब, स्वीमिङ पुललगायतका संरचना रहनेछन् ।

पुल्चोकमा स्थान अभाव भएपछि भैंसेपाटीमा मन्त्री क्वाटर सार्नुपरेको हो । अब पुल्चोकस्थित मन्त्री क्वाटर रहेको क्षेत्रमा १० वटा अतिथिगृह बन्नेछन् । विभागले मन्त्री क्वाटर स्थानान्तरण गर्नेबित्तिकै अतिथिगृह निर्माण गर्ने तयारी छ ।

प्रतिक्रिया दिनुहोस्
सम्बन्धित वर्गका समाचारहरू

पूर्वमुख्य सचिव अर्यालविरुद्ध पक्राउ पुर्जी जारी

मंसिर ३, काठमाडौं । पूर्वमुख्य सचिव एकनारायण अर्यालविरुद्ध वैदेशिक रोजगारीका लागि मलेसिया जाने श्रमिकमाथि भएको

काठमाडौँमा वायु प्रदूषण नियन्त्रण कार्ययोजना आउँदै

मंसिर ३, काठमाडौँ । काठमाडौँ महानगरपालिकाले उपत्यकामा बढ्दो वायु प्रदूषण नियन्त्रणका लागि विशेष कार्ययोजना सार्वजनिक

सार्वजनिक खरिदका श्रमिकलाई न्यूनतम पारिश्रमिक तोकियो, अदक्ष कामदारको दैनिक १७४० पुग्यो

कार्तिक २३, २०८३, काठमाडौं । सरकारले सार्वजनिक खरिदअन्तर्गत सञ्चालन हुने सम्पूर्ण आयोजना तथा कार्यक्रममा आबद्ध

प्रेस स्वतन्त्रतामाथि सरकारी हस्तक्षेपबारे सरोकारवालाको ध्यानाकर्षण

कार्तिक  १९, काठमाडौं । काठमाडौंमा आयोजित एक कार्यक्रमका वक्ताहरूले प्रेस स्वतन्त्रतामाथि सरकारी हस्तक्षेप बढ्दै गएको

ट्रेड युनियन अधिकार कमजोर पार्ने सरकारी निर्णय फिर्ता लिन अन्तर्राष्ट्रिय श्रमिक संगठनहरूको माग

कार्तिक १९,काठमाडौं । अन्तर्राष्ट्रिय ट्रेड युनियन महासंघ एसिया–प्रशान्त क्षेत्र (आईटीयूसी–एपी) सहित विभिन्न अन्तर्राष्ट्रिय श्रमिक संगठनहरूले

प्रधानन्यायाधीश र न्यायाधीशबारे छानबिन गर्न माग

काठमाडौँ, १३ कात्तिक। प्रधानन्यायाधीश डा. मनोजकुमार शर्मा र सर्वोच्च अदालतका न्यायाधीश हरिप्रसाद फुयाँलको नाम जोडिएर