काठमाडौं । सरकारले घोषणा गरेको लकडाउन उल्लंघन गरेर बिनाकाम घरबाहिर निस्कने व्यक्तिलाई प्रहरीले सिधै क्वारेन्टाइनमा राख्ने भएको छ ।
प्रहरीले अत्यावश्यक कामबाहेक जथाभावी रूपमा सरकारको निर्णय उल्लंघन गरेर हिँड्नेलाई पक्राउ गरी क्वारेन्टाइनमा राख्ने नीति लिएको हो । लकडाउनलाई व्यवस्थित गर्न शुक्रबारबाट नै सो नीति सुरु गरिएको प्रहरीले बताएको छ । सरकारले कोरोना संक्रमित फेला परेपछि ११ चैतबाट देशभर लकडाउन गर्ने घोषणा गरेको थियो ।
लकडाउन घोषणापछि पनि सुरुवाती दिनमा प्रहरीले बिनाकाम घरबाहिर निस्कनेलाई सम्झाई बुझाई छाड्दै आएको थियो ।
महानगरीय प्रहरी कार्यालय रानीपोखरीका प्रमुख डीआईजी विश्वराज पोखरेलले सरकारको निर्णयविपरीत बिनाकाम घरबाहिर सडकमा हिँड्नेलाई प्रहरीले नियन्त्रणमा लिएर क्वारेन्टाइनमा राख्ने जानकारी दिए ।
‘सरकारको निर्णय मान्नु सबै नागरिकको कर्तव्य हो, बिनाकाम लकडाउन उल्लंघन गर्नेलाई प्रहरीले नियन्त्रणमा लिएर क्वारेन्टाइनमा राख्छ,’ महानगरीय प्रहरी कार्यालयका प्रमुख पोखरेलले राजधानीसँग भने ।
उनका अनुसार यसरी पक्राउ परेकालाई अन्य थुनुवासँग नराखी छुट्टै नै राखिनेछ । ‘लकडाउन उल्लंघनपछि पक्राउ परेकालाई अन्य थुनुवासँग होइन, छुट्टै राख्ने गरी व्यवस्था मिलाइएको छ,’ पाखेरेलले थपे ।
सरकारले अत्यावश्यक सामान ढुवानी गर्ने साधन, एम्बुलेन्स, सुरक्षाकर्मीका सवारी, सञ्चारमाध्यमलगायत अत्यावश्यक सेवाका सवारीलाई मात्र सञ्चालन अनुमति दिएको छ ।
महानगरीय प्रहरी परिसर काठमाडौंका प्रवक्ता एवं डीएसपी होविन्द्र बोगटीले अनावश्यक रूपमा बाहिर हिँडडुल गर्नेलाई नियन्त्रणमा लिन प्रहरी निरीक्षकको कमान्डमा १५÷१५ जना रहने गरी दुई गाडीसहितको विशेष टोली परिचालन गरिएको जानकारी दिए । उनले सोका लागि परिसरअन्तर्गतका १४ वटै वृत्तलाई निर्देशन दिइएको बताए ।
उनका अनुसार शुक्रबार बिहानबाट साँझसम्म काठमाडौंबाट मात्रै प्रहरीले लकडाउन उल्लंघन गर्ने ४९ जनालाई नियन्त्रणमा लिएको छ । हालसम्म नेपालमा विदेशबाट आएका तीन जना कोरोना संक्रमित बिरामी फेला परेका छन् ।
पुस २८,काठमाडौ । पछिल्लो समय सार्वजनिक सरोकारका बिषयहरुमा मुद्धा दर्ता गरेर चर्चाको रहेका अधिवत्ता बिष्णु
पुस २५,काठमाडौं। प्रतिनिधिसभाको कृषि, सहकारी तथा प्राकृतिक स्रोत समिति सभापति डा. आरजु राणा देउवाले बाँझो
मङ्सिर २९,काठमाडौँ। सभामुख देवराज घिमिरेले सङ्घीय संसद्का महासचिवको नियुक्ति प्रक्रिया रोकिएकोमा असन्तुष्टि जनाउनुभएको छ। सङ्घीय संसद्का
मंसिर १३, काठमाडौं । राजसंस्था सहितको हिन्दुराष्ट्र नेपालको नारासहित क्रियाशिल राष्ट्रिय प्रजातन्त्र पार्टी (राप्रपा) भित्र
मङ्सिर ११, काठमाडौं। प्रधानमन्त्री पुष्पकमल दाहाल ‘प्रचण्ड’ले संविधानमा व्यवस्था अनुसार समाजवाद उन्मुख संविधान कार्यान्वयनको सबैभन्दा
मङ्सिर ४काठमाडौँ। सरकारले टिकटकमाथि लगाएको प्रतिबन्धविरुद्ध सर्वोच्च अदालतमा दायर रिटमा आजबाट सुनुवाइ प्रारम्भ हुँदै छ ।