काठमाडौं, २१ माघ । आईसीसी विश्कप लिग-२ अघि आयोजना गरिएको अभ्यास खेलमा अमेरिकाविरुद्ध नेपालले सहज जित हासिल गरेको छ । नेपाली स्पिनरहरुको उत्कृष्ट बलिङसँगै अमेरिकाको राष्ट्रिय टोली नेपाल अध्यक्ष-११ सँग ३७ रनले पराजित भएको छ ।
घरेलु नेपाल-११ ले प्रस्तुत गरेको १ सय १२ रनको सामान्य लक्ष्य पछ्याएको पाहुना टोली अमेरिका ३३.२ ओभरमा ७४ रनमा अल आउट हुन पुग्यो ।
अमेरिकाका स्टिभ टेलरले सर्वाधिक २८ रन जोडे भने तिमिल पटेलले २० रन जोने । अन्य ब्याट्सम्यानहरु चल्न सकेनन् । नेपालको जित पक्का गर्न स्पिनर शेर मल्ल, सागर ढकाल र पवन सरार्फले उत्कृष्ट बलिङ गर्दै कमजोर रनमा समेटिएको नेपालको जितका लागि निर्णायक भूमिका खेले ।
नेपालका लागि शेर मल्लले ७.२ ओभरमा १ मेडनसहित १३ रन खर्चेर ४ विकेट लिए भने सागर ढकालले ८ ओभरमा ३ मेडनसहित १३ रन खर्चेर ३ विकेट लिए । पवन सरार्फको नाममा २ विकेट रहँदा भुवन कार्कीले पनि १ विकेट आफ्नो नाममा गरे ।
त्यसअघि मुलपानी क्रिकेट मैदानमा टस हारेर ब्याटिङ थालेको नेपाल अध्यक्ष ११ को ३३.५ ओभरमा १ सय ११ रनमा अल आउट भएको थियो । नेपालका लागि विकेटकिपर सुवास खकुरेलले ८९ बलमा ५ चौका सहित ५२ रनमा अविजित रहे ।
पवन सरार्फ ४२ बलमा ४ चौका सहित १९ रनमा आउट भए । यसबाहेक नेपालका अन्य ब्याट्सम्यानहरु दोहोरो अंकमा रन जुटाउन सफल भएनन् । ओपनर शरद भेषवाकर ७, सुनिल धमला ५, सन्दीप जोरा ६, लोकेश बम ४, भुवन कार्की २, शेर मल्ल १ रन जोड्दा प्रतिश जिसी, कुशल मल्ल, किशोर महतो भने शून्यमै पेभेलियन फर्किएर घरेलु दर्शकलाई निराश बनाए ।
नेपालको ब्याटिङ लाइनलाई धराप बनाउँदै अमेरिकाका स्पिनर तिमिल पटेलले ६.५ ओभरमा १ मेडन सहित १५ रन खर्चेर ५ विकेट लिए । करिमा गोर र एल्मोर हचिनसनले समान २/२ विकेट आफ्नो नाममा गरे ।
नेपालले पहिलो खेल बुधबार ओमानसँग र दोस्रो खेलमा नेपालले अमेरिकासँग माघ २५ गते शनिबार खेल्नेछ ।
वैशाख १०,ललितपुर । प्रधानमन्त्री तथा नेकपा (माओवादी केन्द्र) का अध्यक्ष पुष्पकमल दाहाल ’प्रचण्ड’ ले चुनौतीहरू भए
वैशाख २, काठमाडौँ । प्रधानमन्त्री पुष्पकमल दाहाल ‘प्रचण्ड’ले विद्यालय जाने उमेरका बालबालिकालाई पायक पर्ने विद्यालयमा भर्ना
तुलसीपुर (दाङ), चैत २२ गते । लुम्बिनी प्रदेश सरकारका मुख्यमन्त्री डिल्लीबहादुर चौधरीले आज विश्वासको मत लिनुहुने
काठमाडौं, चैत २१ गते। शिक्षा, विज्ञान तथा प्रविधिमन्त्री सुमना श्रेष्ठले माध्यामिक शिक्षा परीक्षा (एसईई)बाट वञ्चित
चैत ७,काठमाडौँ। सर्वोच्च अदालत परिसरबाट सोमबार अत्याधुनिक हतियारसहित पक्राउ परेका दुई जनालाई पाँच दिन हिरासतमा राख्न
चैत २, काठमाडौँ। दक्षिण कोरियामा सन् २०२४ का लागि रोजगार अनुमति प्रणाली (इपिएस) मार्फत जाने