सिरियामा हवाई हमला, १८ इरानी सैनिक मारिए !

सिरियाको उत्तरपश्चिमी क्षेत्रमा हवाई हमला गरिएको छ । सिरियाको ुसिजफायर जोनु मा हमला गर्ने घोषणा गरेको १० दिनपछि उक्त क्षेत्रमा पहिलो पटक हवाई हमला भएको विद्रोही समूहका प्रवक्ताले मंगलबार बताएका रोयर्टसले जनाएको छ ।

यसअघि सिरियाली सरकारलाई समर्थन गरिरहेको रसियाले अगस्ट ३१ मा विपक्षीले कब्जा गरेको उत्तरपश्चिम क्षेत्र इड्लिबमा युद्धबिराम गर्ने सहमति भएको थियो । दुई वर्षअघि पनि उक्त क्षेत्रमा हवाई हमला भएको थियो । रसियाले गत अगस्ट ३१ यता सिरिया र रसियन लडाकु विमानहरुमा पठाएको थिएन । यद्यपि त्यहाँ स्थलगत आक्रमण भने भइरहेका थिए । 

संयुक्त राज्य अमेरिकाले आफ्ना सेनाले अलकाइदा विरुद्ध इड्लिबमा आक्रमण गरेको बताएको छ । बेलायतस्थित सिरियाली युद्धका समयमा हुने मानव अधिकारविरुद्धका घटनाको अनुगमन गर्ने निकाय ुवार मोनिटरु ले सिरियाको उत्तरपश्चिमी क्षेत्रमा रहेको जाबल अल(अकरद पहाडको माथिबाट दुईवटा लडाकु विमान आएको बताएको छ । 

तर, मध्यरातमा गरिएको हमला कसले गरेको भन्‍ने स्पष्ट हुन सकेको छैन । उक्त हमलामा १८ इरानी र इरान समर्थक सेनाहरु मारिएको बीबीसीले जनाएको छ । यसअघि २९ अगस्ट शुक्रबार रसियाले उक्त क्षेत्रमा विद्रोही समूहले पकड बलियो हुँदै गएकोले हमला गर्ने घोषणा गरेको थियो । संयुक्त राष्ट्र संघले भने इड्लिब प्रान्तमा हमला गरेमा करिब तीन मिलियन मानिहरु जोखिममा पर्ने चेतावनी दिएको थियो ।