१४ श्रावण , बीबीसी। अमेरिकाको क्यालिफोर्नियाको फुड फेस्टिवलमा गोलीबारी हुँदा दुई बच्चासहित तीन जनाको मृत्यु भएको छ। प्रहरीका अनुसार मृत्यु हुनेमा एक जना ६ वर्षका बालक र १३ वर्षीया बालिकासमेत रहेका छन्। यो गोलीबारीमा १५ अन्य घाइते भएका छन्। उनीहरुको अस्पतालमा उपचार भइरहेको बीबीसीले जनाएको छ।
बीबीसीका अनुसार आइतबार साँझ भएको घटनाका अभियुक्त प्रहरी कारवाहीमा मारिएका छन्। यो आक्रमणमा अन्य कसैको हात भए नभएको विषयमा प्रहरीले जाँच गरिरहेको जनाएको छ।
प्रहरीले मारिएका आक्रमणकारीको पहिचान गरेको छ। १९ वर्षीय स्यान्टिनो विलियम लेगानले गोली चलाएको प्रहरीले पुष्टि गरेको छ। आक्रमणकारीले ‘गिलराय गार्लिक फेटिस्वल’ मा स्थानीय समय अनुसार आइताबर साँझ गोली प्रहार गरेका थिए।
प्रहरीका अनुसार प्रहरी कारवाहीमा मृत्यु भएका आक्रमणकारीबाट असल्ट राइफल बरामद गरेको छ, जुन उनले अवैध तरिकाबाट किनेका थिए। स्थानीय संचारमाध्यमले गोलीबारीमा मृत्यु भएको ६ वर्षीय बालकको पहिचान स्टीफन रोमेरोको रुपमा गरेको छ।
स्टीफनकी आमा र दिदी पनि गोली लागेर घाइते भएका छन्। यद्यपी प्रहरीले मृत्यु भएका कसैको नाम पनि आधिकारिक रुपमा पुष्टि गरेको छैन। प्रहरीका अनुसार गोलीबारीमा करिव २० वर्षका युवकको पनि मृत्यु भएको छ।
