घरेलु टोली थाइल्यान्डलाई हराउँदै नेपाल समूह विजेता

घरेलु टोलीका लागि तान्चानोक फोप्लुकले सर्वाधिक चार रन बनाइन्। नेपालले अतिरिक्त सात रन दिएको थियो। थाइल्यान्डका पाँच खेलाडी शून्यमा आउट भएका थिए।

समूह ‘ए’ बाट संयुक्त अरब इमिरेट्स (यूएई) समूह उपविजेताका रूपमा यसअघि नै सेमिफाइनलमा पुगेको छ। नेपालले पहिलो खेलमा चीनलाई, दोस्रो खेलमा मलेसियालाई र तेस्रो खेलमा यूएईलाई पराजित गरेको थियो। 

राष्ट्रिय टोलीका पूर्वकप्तान विनोद दासको प्रशिक्षणमा रहेको नेपाली टोलीले करिब दुई वर्षपछि अन्तर्राष्ट्रिय महिला प्रतियोगिता खेलेको हो। यसअघि नेपाली महिला टोलीले सन् २०१७ को नोभेम्बरमा आइसीसी टि-२० विश्वकपको एसिया क्षेत्रको क्वालिफायर खेलेको थियो।

रुविना क्षेत्रीको कप्तानीमा रहेको नेपाली टोलीमा सीता रानामगर (उपकप्तान), करुणा भण्डारी, सरिता मगर, नेरी थापा, इन्दु बर्मा, सोनु खड्का, आरती बिडारी, काजल श्रेष्ठ, रोमा थापा, कविता कुँवर, डोली भट्ट, ममताकुमारी चौधरी र विन्दु रावल छन्। 

प्रतियोगिताको सहभागी टोलीलाई दुई समूहमा विभाजन गरिएको छ।

समूह ‘ए’ मा नेपालसहित चीन, संयुक्त अरब इमिरेट्स (यूएई), मलेसिया र थाइल्यान्ड ‘ए’ तथा समूह ‘बी’मा हङकङ, थाइल्यान्ड, इन्डाेनेसिया, भूटान र म्यान्मा छन्। नेपालले सेमिफाइनलमा समूह ‘बी’को उपविजेतासँग खेल्नेछ।