पुस १७, काठमाडौँ । मलेसियामा एक नेपालीको मृत्यु भएको छ । मलेसियाको बयन बारु नजिकै आइतबार बिहान घरको चौथो तल्लाबाट खसेर उनको मृत्यु भएको मलेसियाली प्रहरीले जनाएको छ ।
जर्ज टाउनस्थित सुपर मार्केटमा सेल्सम्यान रहेका २४ वर्षीया सन्दीप बोटको मृत्यु भएको हो ।
आफूसँगै काम गर्ने केटी साथीलाई भेट्न गएका उनको केटी साथीको कोठाबाट भाग्ने क्रममा खसेर मृत्यु भएको मलेसियन सञ्चार माध्यमले जनाएको छ ।
केटी साथीको बिहेका लागि मगनी भइसकेको र केटी साथीसँग रहेकै बेला अकस्मात् हुनेवाला श्रीमान् कोठामा आइपुगेपछि उनी भाग्न खोज्दै गर्दा उक्त दुर्घटना भएको हो । घटनाबारे थप अनुसन्धान भइरहेको प्रहरीले जनाएको छ ।
