एजेन्सी । गारेथ बेलको गोलबाट मंगलबार राति एएस रोमामाथि जीतको कथा रचिएपछि रियाल मड्रिडले च्याम्पियन्स लिग समूह ‘जी’को शीर्ष स्थानमा पकड बलियो बनाएको छ । रोमाका रक्षक फेडेरिको फाजियोको रक्षात्मक गल्तीमा फाइदा उठाउँदै बेलले दोस्रो हाफको दोस्रो मिनेटमा भ्रमणकारी रियाललाई अग्रता दिलाएका थिए । ५९औं मिनेटमा स्पेनिस विंगर लुकास भाज्क्वेजले अग्रता दोब्बर पार्दै रियालको जीत पक्का गरे । लुका मोडरिचको क्रसमा करिम बेन्जेमाले दिएको पासलाई भाज्क्वेजले सहज ट्याप गर्दै रियालको जीत पक्का गरेका थिए ।
मंगलबारै चाँडोगरी सम्पन्न खेलमा भिक्टोरिया प्लाजेनले सिएसकेए मस्कोमाथि २–१ को जीत हासिल गरेपछि रियाल र रोमा दुवैको नकआउट चरण पक्का भइसकेको थियो । रियालका लागि यो च्याम्पियन्स लिगको अन्तिम १६ मा लगातार १५औं उपस्थिति हुनेछ । युरोपेली क्लब फुटबलको सबैभन्दा ठूलो प्रतियोगिता २००३–०४ को सिजनदेखि नयाँ स्वरुपमा हुन थालेयता रियाल हरेक पटक नकआउट चरण पुग्दै आएको छ ।
रियाल र रोमा दुवैले ९ अंकका साथ खेलको सुरुआत गर्दा विजेताको हैसियत कसले पाउने भन्ने प्रतिस्पर्धा थियो । जहाँ हेड टु हेडमा रियाल रोमाभन्दा माथि थियो । त्यसमाथि मंगलबारको जीतले रियालको अवस्था थप मजबुत बनाएको छ ।
रोमाको एटेडियो ओलम्पिको रंगशालामा खचाखच दर्शकसामु घरेलु टोलीका महान हस्ती ४२ वर्षे फ्रान्सेस्को टोट्टीको हल अफ फेम सम्मान गरिएको थियो । २०१७ को मेमा सन्यास लिनुअघि टोट्टीले आफ्नो पूरा २४ वर्षे व्यावसायिक करियर रोमाकै जर्सीमा बिताएका थिए । त्यसक्रममा उनले रोमाका लागि ७ सय ८६ खेलमा ३ सय ७ गोल गरेका थिए ।
कार्तिक ११, काठमाडौँ । गत भदौ १० गते भोटेकोशी र त्रिशूली नदीमा आएको भीषण बाढीमा परी
काठमाडौं, २६ असोज। सर्वोच्च अदालतले गैरकानुनी रूपमा बर्खास्त गरिएका श्रमिकलाई पुनर्बहाली नगर्ने अवस्थामा क्षतिपूर्ति निर्धारण
२६ असोज , काठमाडौं । नेपाल स्केटिङ तथा स्केटबोर्डिङ संघको कार्यसमितिमा नरहेकी पवित्रा रेग्मीलाई बैंक
काठमाडौँ, असोज २४। उपत्यकामा एउटा ब्रान्डको ग्यास सिलिन्डर अर्कोसँग सहजै साट्न नपाएर हैरानी खेपिरहेका उपभोक्ताका
असोज ८,काठमाडौं । सर्वोच्च अदालतले राजनीतिक विश्लेषक भरत दाहाललाई थुनामुक्त गर्न परमादेश जारी गरेको छ।दाहालकी
काठमाडौँ, साउन ३० । उच्च अदालत बार एसोसिएसन पाटनको निर्वाचनमा प्रगतिशील तथा पेसागत कानुन व्यवसायी
