प्रधानमन्त्री ओलीको कटाक्ष : सरकार सिन्का भाँच्न र जुम्रा मार्नका लागि होइन

मंसिर ११, काठमाडौं : योगदानमा आधारित सामाजिक सुरक्षा योजनाको शुभारम्भ गर्दै प्रधानमन्त्री केपी शर्मा ओलीले सरकारलाई देखिन भन्नेहरूका लागि यो गतिलो जवाफ भएको बताउनु भएको छ ।

प्रज्ञा भनवमा मंगलवार आयोजित विशेष समारोहलाई सम्बोधन गर्दै प्रधानमन्त्रीले सरकार देशमा परिवर्तन ल्याउने कार्यमा लागिरहेको बताउनुभएको हो ।

‘कतिले भने- सरकार कहाँ छ देखिनँ,’ प्रधानमन्त्री ओलीले भन्नुभयो- ‘सरकार खोज्नेहरूलाई सोध्न चाहन्छु अझै देख्नुभएन ? अझै देख्नुभएन भने चस्मा लगाउनु वा त्यसमा पारव बढाउनुपर्दैन, देख्नुहुन्छ अब । तपाईंको बाध्यता हो देख्ने ।’

साथै प्रधानमन्त्री ओलीले सरकारले सिन्का पनि भाँचेन भन्नेहरू प्रति कटाक्ष पनि गर्नुभयो ।

‘कतिले भने यो सरकारले सिन्का पनि भाँचेन, जुम्रा पनि मारेन । यो सरकार सिन्का भाँच्नका लागि होइन र जुम्रा मार्नका लागि पनि होइन । देशमा परिवर्तन ल्याउनका लागि हो, सरकारले गर्दैछ त्यो काम,’ प्रधानमन्त्री ओलीले भन्नुभयो ।