देशमा नेपाल प्रहरीले सुरु गर्‍यो समुदाय प्रहरी साझेदारी कार्यक्रम (भिडीयो)

नेपाल प्रहरीले समुदाय प्रहरी साझेदारी कार्यक्रम सुरु गरेको छ।  काठमाडौंको भृकुटीमण्डपमा भब्य समारोहकाबीच प्रहरी प्रधान कार्यालयले समुदाय प्रहरी साझेदारी कार्यक्रम सुभारम्भ गरेको हो।

कार्यक्रमको गृहमन्त्री रामबहादुर थापाले उद्घाटन गरे। ‘हर प्रहर गाँउ र नगरी, टोल टोलमा नेपाल प्रहरी’ भन्ने नारासहित देशैभर आजबाट यो अभियान सुरु भएको प्रहरीले जनाएको छ।

शान्तिपुर्ण एवम् सुरक्षित समाज निमार्ण गर्नका लागि नयाँ अवधारणासहित नयाँ कार्यक्रम अघि सारिएको आइजिपी सर्वेन्द्र खनालले बताए।

कार्यक्रमको शुभारभ्भ गर्दै गृह मन्त्री थापाले शान्तिपूर्ण र सुरक्षित समाज निर्माणका लागि ‘समूदाय प्रहरी साझेदारी कार्यक्रम’ फलदायी हुने विश्वास व्यक्त गरेका छन् । समाजमा शान्ति सुरक्षाका लागि प्रहरी र समूदायबीच हातेमालोको जरुरी रहेको उनले बताए ।

कार्यक्रममा आइजिपी सर्वेन्द्र खनालले यस अभियानमा स्थानीय तह र नेपाल प्रहरी प्रमुख साझेदारी हुने र त्यसमा स्थानीय तहका संघ संगठनलाई एकजुट बनाएर समितिहरु गठन गरी काम गरिने बताए।

उनले यस अभियानमा विद्यालय पनि सहभागी गराइएको बताए। अपराध गर्ने र पिडितहरु धेरै जसो बालबालिका रहने उनले बताए। माध्यमकि तहको अध्ययनपछि १६ देखि २५ वर्ष उमेरका युवा अपराध फस्ने गरेको प्रहरी रेकर्डले देखाएको उनले बताए।

विद्यार्थीहरुलाई यस अभियानले रक्षात्मक र प्रतिकारात्मक हुन सिकाउने खनालको दाबी छ। यस अभियानका कारण अपराध रोकथाम हुनुका साथै प्रहरी अनुसन्धानमा जनसहयोग बढ्ने अपेक्षा पनि प्रहरीले लिएको आइजिपी खनालले बताए।