कमरेड बादल र जनार्दबीच घोचपेच !

करायो–करायो, हुने केही होइन । माधव नेपाल त झन बैठकमै थिएन । नेकपाका सातै प्रदेश ईन्चार्ज, अध्यक्ष, सह–ईन्चार्ज र सचिवको टुंगो लाग्यो, प्रधानमन्त्री अमेरिका उड्ने अघिल्लो दिन अर्थात शुक्रबार ।

त्यो भन्दा दुई दिनअघि चिनबाट फर्किएका प्रचण्डसँग बादलको एउटा सम्झौता रहेछ । कम्तीमा एउटा प्रदेशको अध्यक्ष वा ईन्चार्ज उनीसँगै बैद्य समूह छाडेर आउनेमध्येलाई दिने । प्रचण्डले ‘हुन्छ’, ‘हुँदैन’ केही भने भनेका थिएनन् । तर, बादल चाँही ढुक्क भएका रहेछन् एउटा पाईने भयो भनेर । यसअनुसार, कर्णाली प्रदेशको लागि ईन्चार्ज वा अध्यक्षको लागि मायाप्रसाद शर्मालाई अगाडि सारेका थिए । बादल र जनार्दन शर्माबीच यहाँपनि लडाई देखियो ।

यो झगडामा प्रचण्ड बीचमा पर्न नचाहने, तर यसचोटी परे । उनले महासचिव विष्णु पौडेललाई फोन गरेर मायालाई इन्चार्ज बनाईदिनु भनेको भएमात्रै पनि हुने थियो ।

र, एकताकै एकजना खेलाडी जनार्दनलाई कहाँ राख्ने ? प्रचण्डको प्रश्न थियो । ‘सिंगो पार्टी नै एकता गराएको मान्छेलाई प्रदेशको ईन्चार्ज किन ? देशकै कुनै ईन्चार्ज बनाए हुन्छ, उप–महासचिव वा संगठन विभाग प्रमुख बनाए हुन्छ ।’ बादलको भनाई थियो । बादलले बैठकमै प्रचण्डको मुख हेरेर केही भन्न खोज्दै थिए, तर उनले मुन्टो बटारे ।