ब्राजिललाई अर्काे ठुलो दबाव !

विश्वकपको दावेदार मानिएको ब्राजिललाई यो पटक ठुलै दवाव छ ।   पहिलो खेलमा नै ब्राजिल र स्वीट्जरल्याण्ड बिच भएको खेलमा बराबरीमा रोकिनु परेपछि झनै ब्राजिललाई दवाव थपिएको छ । अहिले सम्म ब्राजिलले जम्मा एक अंक मात्र प्राप्त गरेको छ ।

हुन त अहिले सम्म ब्राजिलले एउटा मात्र खेल खेलेतापनि उसले पहिलो खेल बराबरीमा खेल्नु नै उसको लागि दवावको विषय बनेको छ ।

हुन त ब्राजिलका मुख्य हिरो मानिने नेइमार घाइते रहेको विषयले ब्राजिलका खेलाडीहरु केहि चिन्तित् थिए,तर अहिले नेइमार पनि खेल्न सक्ने अवस्था रहेको भन्दै टिममा फर्किएका छन् । ब्राजिलका अर्का खेलाडी ड्यानिलो पनि घाइते भएका कारण उनको स्थानबाट फागनरले खेल्दै छन् ।

पहिलो खेलमा  स्विजरल्याण्डले ब्राजिललाई रोकेको जस्तै कोस्टारिका पनि आज ब्राजिललाई रोक्ने रणनीतिमा छ । ब्राजिलका खेलाडीहरु चोटपटकका कारण सबै फिट छैनन् तर कोस्टारिकाका खेलाडी भने सबै फिट छन् ।

पाच पटकको विश्व विजेता ब्राजिलले अहिले सम्म २० पटक विश्वकप खेलेको छ । ब्राजिल सन् १९३० मा पहिलो विश्वकपमा सहभागी भएर विश्वकपको यात्रा सुरु गरेको थियो ।

ब्राजिलले त्यसको २८ वर्षपछि सन् १९५८ मा पहिलो पटक विश्वकपको उपाधि जितेको थियो । त्यसपछि १९६२, १९७०, १९९४ र २००२ मा विश्व विजेता बन्यो । २००२ यता भने ब्राजिलले उपाधि चुम्न सकेको छैन । तर विगतका खेललाई हेर्दा कोस्टारिका पनि बलियो टोली हो, त्यसैले पनि ब्राजिललाई कोस्टारिका विरुद्ध खेल्न पनि सहज हुने छैन ।

ब्राजिलियन टिमका मिडफिल्डर फिलिप कोउटिन्होले आफूहरुले अघिल्लो खेलमा भन्दा यसपटक सुधार गर्नुपर्ने बताउदै भने हामीले ‘स्वीट्जरल्याण्डसँगभन्दा सुधारिएको खेल कोसरिका विरुद्ध हामीले खेल्नुपर्छ । हरेक खेल नै फाइनल जस्तो हो । विश्वकपका लागि कुनै खेल सामान्य हुँदैन । सबै टिम राम्रा छन् । हामीले जिम्मेवारी लिएर जिततर्फ अग्रसर हुनुपर्छ । कोस्टारिकासँगको खेल महत्वपूर्ण छ । हामी तीन अंकको खोजीमा छौं’ उनले भने ।

आज शुक्रबार बेलुका ५ : ४५ बजे ब्राजिलले  कोस्टारिकासँग खेल्दैछ ।