विश्वकप अफिसियल गीतको इतिहासमा सबैभन्दा बढी रुचाइयो वाक्का वाक्का (भिडियो)

एजेन्सी । सन् १९३० देखि विश्वकप फुटबल सुरु भयो तर, विश्वकपमा अफिसियल गीत भने सन् १९६२ को चिली विश्वकपदेखि मात्रै राख्न थालिएको थियो । विश्वकप नजिकिँदै गर्दा सार्वजनिक गरिने विश्वकपको अफिसियल गीतले यसको रौनक बढाउनका साथै भाइचारा सम्बन्ध कायम गर्ने विश्वास गरिन्छ ।

अहिलेसम्म १५ वटा विश्वकपमा अफिसियल गीत बनिसकेका छन् । यही जेठ अन्तिमदेखि रुसमा सुरु हुने विश्वकप फुटबलले विश्व विस्तारै तताउँदै छ । विश्वकपको चहलपहल पनि दिनप्रतिदिन बढ्दो छ । विश्वकप आउनु महिनौं अघिदेखि फुटबलप्रेमी आ–आफ्नो समर्थनमा विश्वकप यो राष्ट्रले जित्छ, त्यो राष्ट्रले जित्छ भनेर आँकलन गर्न थालिसकेका छन् ।

विश्वकप अफिसियल गीतको इतिहासमा सबैभन्दा बढी रुचाइएको गीत २०१० विश्वकपको थियो :-

वाक्का वाक्का (दक्षिण अफ्रिका २०१०)

सन् २०१० को विश्वकप फुटबल पहिलो पटक दक्षिण अफ्रिकाले आयोजना गरेको थियो । यो विश्वकपको उपाधि नयाँ राष्ट्र स्पेनले पहिलो पटक जितेको थियो ।

विश्वकप अफिसियल गीतको इतिहासमा सबैभन्दा बढी रुचाइएको गीत यही विश्वकपको थियो । चर्चित स्पेनिस गायिका साकिराले गाएको ‘वाक्का वाक्का’ बोलको अफिसियल गीतले तहल्का नै मचाएको थियो । यो गीत विश्वकप आउदा अझै पनि सुन्ने गरिन्छ ।

साकिरालाई फ्रेसलीग्राउण्ड ब्याण्डले साथ दिएको थियो ।