गम्भीर घाइतेको बाबजुत पनि इजिप्टका मोहम्मद सलाहले विश्वकप खेल्ने

मोहम्मद सलाहले आगामी जुनदेखि रुसमा सुरु हुने विश्वकप फुटबल खेल्ने इजिप्ट फुटबल संघले जनाएको छ । च्याम्पियन्स लिगको फाइनल खेलमा उनी गम्भीर घाइते भएपछि विश्वकप गुमाउन सक्ने सम्भावना बढेको थियो ।

इजिप्टका उत्कृष्ट र सफल फरवार्ड सलाह लिभरपुलबाट ब्यवसायिक फुटबल खेल्ने गर्छन । लिभरपुलबाटै च्याम्पियन्स लिगको फाइनल खेल्दा उनी चोटग्रस्त बनेका थिए । 

इजिप्टको फुटबल संघका अध्यक्ष र राष्ट्रिय टिमका डाक्टरले सलाहलाई भेटेपछि सलाह अबको ३ हप्तामा ठीक हुने बताएको विविसीले उल्लेख गरेको छ । त्यसपछि उनले आफ्नो टिमबाट विश्वकप खेल्नेछन् । 

सलाह त्यस्ता खेलाडी हुन् जसले २८ वर्षपछि इजिप्टलाई विश्वकपमा छनोट गराएका थिए । विश्वकप अन्तिम छनोट खेलको ९५ औं मिनेटमा पेनाल्टीबाट गोल गर्दै इजिप्टलाई विश्वकपमा छनोट गराएका २५ वर्षीय सलाह एक प्रभावशाली खेलाडी हुन् । उनले विश्वकप खेल्न सक्ने कुराले इजिप्ट फुटबल टिममा उत्साह थपिएको छ ।

इसअघि सलाहले ट्वीटमार्फत लेखेका थिए । “यो एकदमै कठिन रात रहेको थियो तर म लडाकु हुँ । बाधाका बाबजुत मलाई विश्वास छ कि म तपाईहरुलाई गर्व गराउन रुसमा हुनेछु । तपाईहरुको माया र समर्थन मेरो शक्ति हो जुन म चाहन्छु ।”

]२१ औं संकरणको विश्वकपमा इजिप्ट समूह ए मा रहेको छ । इजिप्टको समूहमा आयोजक रुस, साउदी अरेबिया र उरुग्वे रहेका छन् । एजेन्सी